आई-आई-टी दिल्ली इत्यस्य सप्तपञ्चाशततमं दीक्षान्तसमारोहं सम्बोधितवान् प्रधानमन्त्री

आई-आई-टी दिल्ली इत्यस्य सप्तपञ्चाशततमं दीक्षान्तसमारोहं सम्बोधितवान् प्रधानमन्त्री
हिमसंस्कृतवार्ता नवदेहली। प्रधानमन्त्रिणा नरेन्द्रमोदिना आई-आई-टी दिल्ली इति भारतीयप्रौद्योगिकीसंस्थानस्य विद्यार्थिनः समाकारिताः यत् ते स्वनिर्णयेषु राष्ट्रहितं सर्वोपरि स्थापयन्तु। आईआइटी दिल्ली इत्यस्य सप्तपञ्चाशततमं दीक्षान्तसमारोहं सम्बोधयन् श्रीमोदी अवदत् यत् प्रत्येकं सन्ततिः तात्कालिकं विशिष्टं समाह्वानं सम्मुखी-करोति, स्वस्य राष्ट्रियदायित्वं च निर्वहति। श्रीमोदी अवोचत् यत् मित्राणि, अद्यतनकाले अस्माकं आह्वानानि भिन्नानि सन्ति, अतः अस्माकं दायित्वमपि भिन्नम् अस्ति। जीवनस्य आगामिषु ३०-३५ वर्षेषु भवन्तः यत् किमपि करिष्यन्ति तत् सर्वम् अस्माकं विकसितभारतस्य यात्रायां प्रभावं जनयिष्यति। प्रधानमन्त्रिणा उक्तं यत् देशे नूतनानां क्षेत्राणां विकासेन युवभ्यः नूतनाः अवसराः सृज्यन्ते। सेमीकंडक्टर, अंतरिक्ष ड्रोन इत्यादीनां क्षेत्राणां उदाहरणानि उद्धृत्य सः अवदत् यत् भारतं सर्वेषु क्षेत्रेषु आत्मनिर्भरता-प्राप्तये कार्यं कुर्वन् अस्ति। श्रीमोदी अवदत् यत् आत्मनिर्भरतायाः अयम् उपक्रमः विकसितभारतस्य निर्माणार्थं दृढाधारस्य कार्यं करिष्यति। अर्धचालकक्षेत्रम् अपि उदाहरणम् अस्ति । यदा वयं अस्मिन् दिशि पदानि स्वीकृतं तदा केचन जनाः तस्य विषये प्रश्नं कृतवन्तः यत् भारतं तत् कर्तुं न शक्नुयात् । परन्तु अद्य प्रथमेषु अर्धचालक-एककेषु उत्पादनम् आरब्धम् अस्ति, अहं च दृढतया विश्वसिमि यत् चिप्स्-तः जहाजपर्यन्तं सर्वं अत्रैव निर्मितं भविष्यति। श्रीमोदिना सामाजिक सञ्चारमाध्यमयुगे ये विक्षेपाः उत्पद्यन्ते तेषां विषये अपि प्रोक्तम्। सः अवदत् यत् छात्राः वेतनस्य, कार्यस्य, कार्यक्षेत्रस्य वा आधारेण अन्यैः सह स्वस्य तुलनां परिहरन्तु । यदा वयं महत् लक्ष्यं प्राप्तुं प्रस्थास्यामः तदा एकः प्रमुखः विक्षेपः उत्पद्यते । अस्मिन् अवसरे शिक्षामन्त्री प्रल्हादजोशी उक्तवान् यत् प्रधानमन्त्रिणः दृष्टिकोणेन भारतस्य शिक्षाव्यवस्था शिक्षार्थीकन्द्रिता, अनुसन्धान-आधारिता, भविष्योन्मुखा च अभवत्। तेनोक्तं यत् प्रधानमन्त्रिणा देशस्य संस्थानेषु नूतनः आत्मविश्वासः जागरितः। अत्रावसरे प्रधानमन्त्रिणा IIT Delhi इत्यत्र “परम प्रज्ञा” इति उच्चदक्षतायुक्तस्य सङ्गणकसौविध्यस्य उद्घाटनमपि कृतम् ।