प्रधानमन्त्रिणा नरेन्द्रमोदिना यु्वसम्मेलनं सम्बोधितम्, १५ लक्षलाभार्थिनां वित्तकोषसंख्यासु २४०० कोटिरूप्यकाणां प्रोत्साहनराशिः प्रेषिता

प्रधानमन्त्रिणा नरेन्द्रमोदिना यु्वसम्मेलनं सम्बोधितम्, १५ लक्षलाभार्थिनां वित्तकोषसंख्यासु २४०० कोटिरूप्यकाणां प्रोत्साहनराशिः प्रेषिता
हिमसंस्कृतवार्ता: — प्रधानमन्त्रिणा नरेन्द्रमोदीमहोदयेन शुक्रवासरे नवदेहल्याः विज्ञानभवने युव-सम्मेलनं सम्बोधितम्। यत्र विकसितभारत-रोजगार-योजनायाः अन्तर्गतं १५ लक्षलाभार्थिनां वित्तकोषसंख्यासु २ सहस्र ४०० (२४००) कोटिरूप्यकाणां प्रोत्साहनराशिः विमुक्ता। अस्मिन् अन्तरे, पी.एम. मोदीमहोदयेन युवभिः सह प्रत्यक्षसंवादः अपि कृतः।
विश्वं करोति भारतस्य युवाशक्तेः चर्चां
प्रधानमंत्री मोदीमहोदयः अवदत्, ‘अद्य अत्र अस्मात् कार्यक्रमात् सम्बद्देषु युवासहभागिषु महान् भारतस्य उज्ज्वलभवितव्यस्य चित्रं दृश्यमानम् अस्ति। अहम् अधुना एव कतिपयघण्टाभ्यः पूर्वं फ्रान्स-स्लोवाकियादेशयोः यात्रातः प्रत्यागतोऽस्मि। जी-७ (G-7) सम्मेलने विकसितदेशानां दिग्गजनेतृभिः सह अमिलम्। विश्वम् अद्य भारतस्य युवाशक्तेः चर्चां करोति। भारतस्य प्रतिभायाः (टैलेंट), कौशलस्य (स्किल), क्षमतायाः (पोटेंशियल) च चर्चा सुदूरेषु भवन्ती अस्ति। विश्वं भारतस्य यूनां क्षमतां सम्यक् परिचिनोति। तादृशे समये अस्माकं प्रयासः अस्ति यत् भारतस्य प्रत्येकं युवा स्वक्षमताम् अवसरे परिवर्तयितुं शक्नुयात्, अनयैव धिया पी.एम. विकसितभारत-रोजगार-योजनायाः आरम्भः अभवत्।’
प्रधानमंत्री नरेन्द्रमोदी अकथयत् यत् “प्रधानमंत्री विकसितभारत-रोजगार-योजना, इयं रोजगारयोजनायाः बहु अग्रे गत्वा प्रथमसेवावृत्तिं प्राप्नुवतां यूनां स्वप्नेभ्यः शक्तिप्रदात्री योजना अस्ति। इयं युवानां उद्योगानां च मध्ये एकं सुदृढं सेतुं निर्मात्री योजना अस्ति।”
१० लक्षयूनां प्राप्तं प्रोत्साहनम्
प्रधानमन्त्रिणा मोदीमहोदयेन अग्रे कथितं यत् प्रधानमन्त्रि-विकसितभारत-रोजगारमेला-योजनायाः सहयोगेन अधुना यावत् प्रायः ७० लक्षमिताः सेवावृत्तयः (जॉब्स) सृष्टाः। प्रायः ७० लक्षमितेभ्यः प्रथमवारं नियुक्तेभ्यः कर्मचारिभ्यः (फर्स्ट टाइम एम्प्लाइज) सामाजिकसुरक्षायाः कवचं अपि प्राप्तम्। प्रायः २० लक्षयूनां स्वकीयप्रथमसेवायाः ६ मासाः पूरिताः अपि सन्ति। अद्य एतेषाम् एव मध्ये प्रायः १० लक्षयुवासाथिभ्यः स्वप्रथमसेवावृत्तौ ६ मासानां पूर्तौ अस्याः योजनायाः लाभार्थित्वेन प्रोत्साहनराशिः (इंसेंटिव) अपि अवाप्ता।
जीविकानिर्माणं राष्ट्रियाभियानं विधातुं लक्ष्यम्
प्रधानमंत्री. मोदीमहोदयः अवदत्, ‘२ सहस्रकोटिरूप्यकेभ्यः (२००० कोटि) अधिका धनराशिः साक्षात् तेषां बैंक-खातेषु प्राप्ता अस्ति। इयं राशिः केवलम् आर्थिकी सहायता नास्ति, एतत् तेषां परिश्रमस्य सम्मानः अस्ति, एतत् तेषां उज्ज्वल भविष्यति देशस्य विश्वासस्य प्रकटीकरणम् अस्ति। एतानि विवरणानि (आंकड़े) अनुभवाश्च ज्ञापयन्ति यत् यदा सर्वकारः, युवा, उद्योगश्च मिलित्वा अग्रे गच्छन्ति, तदा रोजगारनिर्माणस्य गतिः बहुगुणिता भवति। प्रधानमंत्री विकसितभारत-रोजगारमेला-योजना, अस्य एव नवभारतस्य परिचयः अस्ति। एकं तादृशं भारतं, यत्र यूने अवसरः मिलितुं शक्नुयात्, उद्योगाय प्रोत्साहनं प्राप्येत, रोजगारनिर्माणं च एकं राष्ट्रियाभियानं भवेत्।