हिमाचलप्रदेशस्य कृषकाणाम् आर्थिक- सुदृढ़ीकरणाय सर्वकारस्य प्रयासः- सुखविंद्र सिंह सुक्खु:

हिमाचलप्रदेशस्य कृषकाणाम् आर्थिक- सुदृढ़ीकरणाय सर्वकारस्य प्रयासः- सुखविंद्र सिंह सुक्खु:
हिमसंस्कृतवार्ता:- शिमला।हिमाचलप्रदेशसर्वकारस्य, राष्ट्रिय डेयरी विकास बोर्ड (NDDB) इत्यस्य च मध्ये मुख्यमन्त्रिणः सुखविंद्र सिंह सुक्खुमहोदयस्य उपस्थितौ त्रयः सामञ्जस्यपत्राः (MoUs) हस्ताक्षारिताः।
त्रीणि प्रमुखानि सहमतिपत्राणि-
१. कांगड़ा दुग्धसङ्घस्य गठनम्- कांगड़ा-मण्डले दुग्धसङ्घस्य निर्माणं तस्य सञ्चालनं च।
२. नूतनसंयन्त्राणां स्थापना- सिरमौरमण्डलस्य नाहन नगरे, सोलनमण्डलस्य नालागढ़े च प्रतिदनं २० सहस्रं लीटर क्षमतायुक्तानां द्वयोः दुग्धप्रसंस्करणयन्त्रयोः स्थापना। हमीरपुरस्य जलाड़ी, ऊनामण्डलस्य झलेड़ाक्षेत्रे दुग्ध- अभिशीतनकेन्द्राणां निर्माणम्।
३. ईआरपी (ERP) सॉफ्टवेयर: दुग्धसङ्घेषु पारदर्शितायै ‘उद्यम संसाधन नियोजन’ सॉफ्टवेयर इत्यस्य प्रयोगः।
प्रमुखविशेषताः उपलब्धयश्च
• ढगवार दुग्धप्रयोजना- कांगड़ामण्डलस्य ढगवारक्षेत्रे २५० कोटिरूप्यकाणां व्ययेन आधुनिकं दुग्धप्रसंस्करणयन्त्रं स्थाप्यते। अस्य क्षमता प्रतिदिनं १.५० लक्षं लीटर परिमिता भविष्यति।
• अङ्कीय-प्रबन्धनम्- सॉफ्टवेयर-माध्यमेन दुग्धस्य गुणवत्तापरीक्षणं, भण्डारणं, वितरणं च पारदर्शिरूपेण भविष्यति, येन कृषकाणां भुगतानं शीघ्रं सुनिश्चितं भविष्यति।
• समर्थनमूल्येषु वृद्धिः- हिमाचलप्रदेशः देशस्य प्रथमं राज्यं जातः यत्र दुग्धक्रयणे सर्वाधिकं मूल्यं दीयते।
• गोधनदुग्धम्- ३२ रूप्यकेभ्यः वर्धित्वा ५१ रूप्यकाणि प्रतिलीटर।
• महिषीदुग्धम्- ४७ रूप्यकेभ्यः वर्धित्वा ६१ रूप्यकाणि प्रतिलीटर।
• प्रोत्साहनराशिः- दुग्धविक्रयणाय केन्द्रं प्रति दुग्धं नयने कृषकेभ्यः प्रतिलीटर ३ रूप्यकाणि अतिरिक्तं प्रोत्साहनं दीयते।
मुख्यमन्त्रिणः विचारः-
मुख्यमंत्री उक्तवान् यत् राज्यसर्वकारस्य मुख्यं लक्ष्यं “ग्रामीण अर्थव्यवस्थायाः सुदृढ़ीकरणम्” अस्ति। व्यवस्थापरिवर्तनस्य माध्यमेन धनं साक्षात् कृषकाणां हस्ते प्रेष्यते। ‘हिम’ (HIM) इति नाम्ना राज्यस्य दुग्धोत्पादाः विपण्यां प्रवर्तयिष्यन्ते, येन अमूल-वेरका सदृशानां संस्थानां स्पर्धां कर्तुं शक्यते।
“वयं केवलं दुग्धमूल्यं न वर्धयामः, अपि तु ग्रामेषु यूनां कृते स्वरोजगारस्य अवसरान् अपि सृजामः।”
-सुखविंद्र सिंह सुक्खु
कृषिमन्त्रिणः वक्तव्यम्-
कृषिमन्त्री प्रो. चन्द्रकुमारः अवदत् यत् अक्तूबरमासपर्यन्तं ढगवार-संयन्त्रम् आरप्स्यते। सः पशुनां नस्लसुधारे अपि बलं दत्तवान् तथा च उक्तवान् यत् मद्यविक्रयणं यत् ‘सेस’ (Cess) गृह्यते, तस्य उपयोगः दुग्धक्षेत्रस्य विकासाय क्रियते।