श्रीवामदेवसंस्कृतमहाविद्यालये पञ्चत्रिंशद्बटूनां यज्ञोपवीतसंस्कारः

श्रीवामदेवसंस्कृतमहाविद्यालये पञ्चत्रिंशद्बटूनां यज्ञोपवीतसंस्कारः
चित्रकूटधाम बांदा || षड्विंशत्यधिकद्विसहस्रतमे कृष्टाब्दे द्वितीयमासस्य द्वाविंशतितमे दिनाङ्के रविवारसरे श्रीवामदेवसंस्कृतमहाविद्यालये पञ्चत्रिंशद्बटूनां यज्ञोपवीतसंस्कारकार्यक्रमः सम्पन्नोऽभवत्। यतो हि वैदिककालीनायाः शिक्षाया आरम्भः उपनयनसंस्कारादेव भवति स्म तस्माद्धेतोः गुरुजनानां सान्निध्ये बटूनामुपनयनसंस्कारः व्यधायि।
आयोजितेऽस्मिन् कार्यक्रमे बांदानगरस्य सदरविधायकवर्य: श्रीमान्प्रकाशद्विवेदिवर्य: मुख्यातिथिरूपेण पूर्वजनपदपञ्चायताध्यक्षः जगरामसिंहचौहानमहाशय: अथ च विशिष्टातिथिरूपेण भारतीयजनतापक्षस्य वरिष्ठनेता राष्ट्रियपरिषदः सदस्यश्च सन्तोषगुप्ता सारस्वतातिथिरूपेण च गरिमामय्या उपस्थित्या विराजन्ते स्म।श्रीवामदेवसंस्कृतमहाविद्यालयस्य प्राचार्यस्य डॉ.नरवदेनारायणदीक्षितवर्याणाम् अध्यक्षतायाम् अस्मिन् कार्यक्रमे बटवः वैदिकमन्त्रैः गायत्रीमन्त्रम् अशृण्वन् प्रतिदिनं गायत्रीजपानुष्ठानस्य सङ्कल्पं च अगृह्णन्।
कानपुर-सीतापुर-हमीरपुर-महोबा-बाँदानगराणां सुदूरक्षेत्रेभ्यः आगता अनेके विद्यालयाद् बहिःस्थाः छात्रा अपि स्वकीययज्ञोपवीतसंस्कारम् अकारयन्।
आदौ कार्यक्रमस्य शुभारम्भे डॉ. इच्छारामपाठक: पञ्चाङ्गपूजनपूर्वकं सर्वदेवानां पूजनम् अकारयत्।आचार्यशुक्लदीनदयालेन अन्यैश्चाचार्यैः वैदिकमन्त्रोच्चारणविधिभिः ब्रह्मचर्यनियमानां विधिवत्परिपालनाय बटुभ्यो निर्देशान् अददुः। अग्नौ आहुतिप्रदानेन सह ते सूर्यस्य सरस्वत्याश्च आराधनं चक्रिरे। अन्ते वादित्रघोषपुरःसरं शोभायात्रा नगरभ्रमणं च बलखण्डीनाकास्थलात् प्रावर्तत। तत्र बटवः महेश्वरीदेवीमन्दिरे मातुर्दर्शनं वन्दनं च कृत्वा पुनः कोतवालीमार्गेण क्षुद्रविपणिमार्गेण च महाविद्यालयप्राङ्गणं प्रत्यागच्छन्।विद्यालयस्य प्रबन्धकः गुप्तजतिनः अध्यक्षः गुप्तमेवालालश्च सर्वभ्यः अभिभावकेभ्यः अतिथिभ्यश्च विद्यालयपरिसरे भोजनप्रसादस्य व्यवस्थाम् अकुरुताम्।अस्मिन्नवसरे विद्यालयस्य आचार्येषु आचार्य अभयपाण्डेय:, श्रीमती डॉ मनोजत्रिपाठी, श्रीमान् अजयसिंह:, श्रीरमाकान्तत्रिपाठी, तथा सूरजबलीगुप्त, डॉ. ओमप्रकाश तिवारी, काशीतः समागताः वैदिकविद्वांसः मैथिलविद्वांसः गडरियेतिनामकसंस्कृतविद्यालयस्य डॉ. त्रिपाठिन्मनहरणः इत्यादयश्चोपस्थिता: अभवन्।