टांकरी लिपे: पुनरुत्थानाय आयोजिता कार्यशाला, द्वयो: छात्रवृत्तयो: घोषणा

टांकरी लिपे: पुनरुत्थानाय आयोजिता कार्यशाला, द्वयो: छात्रवृत्तयो: घोषणा
हिमसंस्कृतवार्ता:- डॉ. अमित शर्मामण्डीनगरस्य 500 वर्षाणाम् ऐतिहासिक धरोहरस्य उपलक्ष्ये सरदारपटेलविश्वविद्यालयस्य मण्डी इत्यस्य इतिहासविभागस्य, भारतीयज्ञानपरम्पराप्रकोष्ठद्वारा च ‘टांकरी लिपि: पुनरुत्थान एवं संरक्षण’ इति विषये एकदिवसीया कार्यशाला मांडवपरिसरे अयोजिता।कार्यक्रमस्य मुख्यातिथि: विश्वविद्यालयस्य कुलगुरु: आचार्य: ललितकुमार अवस्थी आसीत्। अध्यक्षत्वेन प्रो. पुष्पराजकपूर: सेवानिवृत्त: आचार्य:, वल्लभमहाविद्यालय: उपस्थित: आसीत्। मुख्यवक्तारूपेण हिमाचल- कला- संस्कृति- भाषा- अकादम्या: सेवानिवृत: सचिव: डॉ. कर्मसिंह: उपस्थित: आसीत्। विशिष्टातिथिषु इंटेक मण्डी चैप्टर इत्यस्य सह-संयोजक: अनिलशर्मा, अधिष्ठाता छात्रकल्याणम् आचार्य: राजेशकुमारशर्मा सम्मिलिता: आसन्। कार्यक्रमस्य संयोजनं इतिहासविभागाध्यक्ष: डॉ. राकेशकुमारशर्मा अकरोत्। सः कार्यशालाया: उद्देश्यं प्रकटितवान्। मञ्चसञ्चालनं मनीषा अकरोत्। कार्यक्रमस्य शुभारंभ: दीपप्रज्ज्वलनेन सरस्वती वंदनया च अभवत्। राष्ट्रगीतानन्तरं डॉ. रामपाल: औपचारिकस्वागतम् अतिथीनां परिचय: च कारितवान्। स्वोद्बोधने मुख्यातिथि: आचार्य: ललितकुमार अवस्थीवर्य: आभासीमाध्यमेन उक्तवान यत् टांकरीलिपि: लेखनपद्धतिरेव न अपि तु हिमालयी- सांस्कृतिकचेतनाया: ऐतिहासिक- अभिव्यक्तिरस्ति। सः अस्या: संरक्षणं विश्वविद्यालयस्य बौद्धिकं दायित्वम् इति कथितवान्। मुख्यवक्ता डॉ. कर्मसिंहवर्य: टांकरीलिपे: ऐतिहासिकविकासस्य, शिलालेखेषु, पांडुलिपिसु, प्रशासनिक अभिलेखेषु च एतस्या: प्रयोगस्य विस्तृतं विवेचनम् अकरोत्। सः एतां पहाड़ी राज्यानां राजकीयं सांस्कृतिकं च अभिधानेन संयुक्ता लिपि: कठितवान्। महोदयेन शोधार्थिनः अस्या: व्यवस्थितं अभिलेखीकरणस्य, डिजिटलीकरणस्य च आवश्यकता उक्ता। विशिष्टातिथि: आचार्य: राजेशकुमारशर्मा भारतीय- ज्ञान- परम्पराया: संदर्भे टांकरीलिपे: महत्त्वं रेखांकयन् उक्तवान् यत् स्थानीयेतिहासस्य पुनर्लेखने अस्या: लिपे अध्ययनम् अत्यंतसहायकं भविष्यति। पुष्पराजकपूरवर्य: अध्यक्षीयोद्बोधने टांकरीलिपिं हिमालयी- अंचलस्य सांस्कृतिक- अस्मिताया:, ऐतिहासिक- स्रोतसंपदायाश्च मूलाधारं कथितम्। तेनोक्तं यत् इयं लिपि: अवश्यमेव संरक्षणीया अन्यथा क्षेत्रीय-इतिहासस्य महत्वपूर्ण: अध्याय: विलुप्त: भवितुं शक्नोति। अस्मिन् संदर्भे तेन प्रतिवर्षं छात्रवृत्तिद्वयं, प्रत्येकं एक सहस्ररूप्यकाणि प्रतिमासं प्रदातुं घोषणा कृता। प्रो. कपूर: स्पष्टम् अकरोत् यत् एते छात्रवृत्ती विशेषरूपेण तेभ्य: विद्यार्थिभ्य:, शोधार्थिभ्यश्च भविष्यत: ये टांकरीलिपे: अध्ययनं, पांडुलिपीनां पाठ-परिशोधनम्, अभिलेखानाम् अनुवादं, स्थानीयेतिहासस्य पुनर्लेखने च सक्रियरूपेण संलग्ना: भविष्यन्ति। तेन अयमपि परामर्श: दत्त यत् इयं चयनप्रक्रिया इतिहासविभागद्वारा निर्धारित- मानकानां यथा शोधप्रस्ताव:, लिपि-पठनदक्षता, क्षेत्रीय- अभिलेखीयकार्याणाम् आधारेण भवेत्। येन योग्या: प्रतिबद्धविद्यार्थिनश्च प्रोत्साहिता: भवेयु:। डॉ. राकेशकुमारशर्मा अवदत् यत् डॉ. यज्ञदत्तशर्माद्वारा प्रतिदिनं टांकरीलिपे: प्रशिक्षणं भविष्यति, इतिहासविभागस्य शोधार्थिभ्य:, विद्यार्थिभ्यश्च प्राचीनतम- टांकरीलिपे: अभिलेखानां प्रारूपाणाञ्च ज्ञानं दास्यति। टांकरी लिपे: विशेषज्ञा: प्रबुद्धजना:, मंडीक्षेत्रस्य विद्वान्सः डॉ. दलीप मोदगिल:, विनोद बहल:, ओ. सी. मल्होत्रा, डॉ. मंजू, अनिल: विभागाध्यक्ष: लोकप्रशाशनं डॉ. रामपाल:, सहायकाचार्य: राजेशशर्मा, विकेश राणा, कृष्णचंद:, इतिहास सोसाइटी- अध्यक्ष सानू कुमार:, सचिव: लखविंद्र:, दीपकदीपांशुश्च उपस्थित: आसन्।