प्रधानमन्त्री नैतिक-समावेशी-ए. आई. इत्यस्य कृते ‘मानव’ दूरदृष्टिम् उद्घाटितवान्

प्रधानमन्त्री नैतिक-समावेशी-ए. आई. इत्यस्य कृते ‘मानव’ दूरदृष्टिम् उद्घाटितवान्।
उक्तं च यत् ए. आई. केवलं तदा एव विश्वाय लाभं प्रादास्यति यदा तस्य आदानप्रदानं भविष्यति।
हिमसंस्कृतवार्ता: – प्रधानमन्त्रिणा नरेन्द्रमोदिना ए. आई. इत्यस्य लोकतान्त्रिकरणस्य उपरि बलं प्रदत्तं यत् एतत् विशेषतः वैश्विक-दक्षिणस्य कृते समावेशस्य सशक्तीकरणस्य च साधनं भवितव्यम् । नवदेहल्या: भारतमण्डपे अनेकेषां वैश्विक नेतृणां उपस्थितौ षड्विंशत्यधिक-द्विसहस्रतम-वर्षस्य इण्डिया-ए. आई. इम्पैक्ट-शिखर-सम्मेलनस्य उद्घाटनं कुर्वन् श्रीमोदी अवदत् यत्, जगतः एकस्मिन् युगे प्रविशति यत्र मानवाः बुद्धिशालिनः व्यवस्थाः च सहनिर्माणं, सहकार्यं, सहविकासं च कुर्वन्ति। सः अवदत् यत्, ए. आई. इत्यनेन कार्यं इतोपि स्पष्टम्, अधिकं दक्षम्, अधिकं प्रभावपूर्णं च भविष्यति। श्रीमोदी अवदत् यत्, भारतं न केवलं नूतन-तन्त्रज्ञानस्य विकासं करोति अपितु तत् द्रुतगत्या स्वीकरोति। सः अवदत् यत्, भारतं विश्वस्य बृहत्तमस्य टेक्निक-पूल इत्यस्य केन्द्रम् अस्ति। सः अवदत् यत्, नवदेहल्याम् ए. आई. शिखरसम्मेलनस्य आयोजनं भारतस्य वैश्विक दक्षिणस्य च कृते गौरवस्य विषयः अस्ति । प्रधानमन्त्रिणा उक्तं यत्, मानव-इतिहासे कतिपय परिवर्तन-विन्दवः सन्ति ये सम्पूर्णशताब्दम् आकारं दत्तवन्तः । श्रीमोदी अवदत् यत् मानव ए. आई. नैतिकं तथा नैतिक-प्रणालीं, उत्तरदायि-शासनं, राष्ट्रियं सम्प्रभुता, सुलभं तथा सर्वसमावेशी, वैधं च दृषटिकोणम् अस्ति। सः अवदत् यत् भारतस्य मानव: एकविंशति शताब्द्याः ए. आई. चालिते विश्वे मानव-कल्याणाय दूरदृष्टिः महत्त्वपूर्णः सम्पर्कः भविष्यति। प्रधानमन्त्री मोदी अवदत् यत् भारतं सेमिकण्डक्टर्स तथा चिप्- निर्माणेन सहैव क्वाण्टं-कम्प्यूटिङ्ग् पर्यन्तं स्थितिस्थापक-व्यवस्थायाः निर्माणं कुर्वन् अस्ति। सुरक्षित-दत्तांश-केन्द्राणि, सुदृढ-आई. टी. इत्यस्य मेरुदण्डः, गतिशील-स्टार्ट-अप्स पर्यावरणं च भारतं सुलभस्य, मापनीयस्य, सुरक्षितस्य च ए. आई. इत्यस्य समाधानस्य प्राकृतिकं केन्द्रं करोति इति सः दृढीकृतवान् । कार्यक्रमं सम्बोधयन् फ़्रान्स-देशस्य राष्ट्रपतिः इम्मैनुअल मैक्रो अवदत् यत्, भारतेन यत् किमपि निर्मितं तत् विश्वस्य अन्येन देशेन न निर्मितम्।
ए. आई. प्रत्येकस्य जनस्य कृते अस्ति”- एन्टोनियो गुट्टेरसः ।
संयुक्तराष्ट्रसङ्घस्य महासचिवः एन्टोनियो गुट्टेरसः अवदत् यत्, ए. आई. प्रत्येकस्य जनस्य कृते अस्ति” । सः अवदत् यत्, ए. आई. इत्यस्य भविष्यं कतिपयैः देशैः निर्धारयितुं न शक्यते। शिखरसम्मेलने उपस्थितानां विश्वनेतृणां स्वागतं कुर्वन् केन्द्रीय इलेक्ट्रानिक्स् तथा सूचना-प्रसारण-मन्त्री अश्विनी वैष्णवः अवदत् यत्, सर्वकारः ए. आई. स्टैक इत्यस्य पञ्चस्तरेषु कार्यं कुर्वन् अस्ति। पश्चात् प्रधानमन्त्रिणा शिखरसम्मेलने नेतृणां पूर्णसम्मेलनं सम्बोधितम्। सः अवदत् यत् ए. आई. तन्त्रज्ञानं सर्वेभ्यः सुलभं भवेत् तथा च प्रत्येकराष्ट्रस्य लक्ष्यं भवेत् । सः अवदत् यत्, ए. आई. इत्यस्य कृते स्पष्टमानव-मूल्यानां मार्गदर्शनस्य च आवश्यकता वर्तते। सः अवदत् यत्, कृत्रिम बुद्धिमत्ता इत्यस्य वैश्विकयात्रायां एस्पिरेशनल-भारतस्य महती भूमिका अस्ति। श्रीमोदी अवदत् यत्, इतिहासं पश्यामः चेत् मनुष्येन प्रत्येकं विघ्नं नूतनावसर-रूपेण परिवर्तितम्। कृत्रिम बुद्धिमत्तायाः नैतिक-उपयोगस्य विषये प्रधानमन्त्रिणा त्रीणि महत्त्वपूर्णानि उपायानि प्रदत्तानि।