जे. पी. नड्डा ब्राजील-देशस्य स्वास्थ्य-मन्त्रिणा अलेक्सान्द्रे पदिल्हा इत्यनेन सह मन्त्रणोपवेशनं कृतवान्।

जे. पी. नड्डा ब्राजील-देशस्य स्वास्थ्य-मन्त्रिणा अलेक्सान्द्रे पदिल्हा इत्यनेन सह मन्त्रणोपवेशनं कृतवान्।
हिमसंस्कृतवार्ता: – स्वास्थ्य-परिवार-कल्याण-मन्त्री जे. पी. नड्डा नवदेहल्यां भारत-ए.आइ. प्रभाव-शिखर-सम्मेलनस्य अवसरे ब्राजील-देशस्य स्वास्थ्य-मन्त्रिणा अलेक्सान्द्रे पदिल्हा इत्यनेन सह मन्त्रणोपवेशनं कृतवान्। सामाजिक-माध्यमेषु प्रकाशिते सन्देशे स्वास्थ्य-मन्त्रालयेन उक्तं यत् उभयोः पक्षयोः सुलभ-स्वास्थ्य-सेवायाः उन्नयन-विषयेऽपि चर्चा जाता। अस्मिन् अवसरे औषध-उत्पाद-नियमनेषु तथा डिजिटल स्वास्थ्य-क्षेत्रे सहकार-विषयेषु अपि विमर्शः जातः। अस्मिन् अवसरे नड्डा-महोदयेन ब्राजील-स्वास्थ्य-मन्त्रिणे ब्रिक्स-स्वास्थ्य-मन्त्रि-सम्मेलनार्थम् आमन्त्रणं प्रदत्तम्। एतदतिरिक्तं फ्रान्स-देशस्य राष्ट्रपतिः इम्मैनुअल मैक्रों तथा केन्द्रीय-स्वास्थ्य-परिवार-कल्याण-मन्त्री जगत प्रकाश नड्डाः च नवदेहल्याम् अखिल-भारतीय-आयुर्विज्ञान-संस्थाने वैश्विक स्वास्थ्ये ए. आई. विषये इण्डो-फ्रेञ्च्-परिसरस्य उद्घाटनम् अकुर्वताम्। अयं उपक्रमः वैश्विक स्वास्थ्याय आर्टिफिसियल्-इन्टेलिजेन्स् इत्यस्मिन् क्षेत्रे भारत-फ्रान्स्-देशयोः सहयोगस्य निर्माणे महत्त्वपूर्ण पदाक्षेपं प्रर्दशयति। वैश्विक स्वास्थ्ये ए. आई. विषये इण्डो-फ्रेञ्च्-परिसरस्य उद्देश्यं, ए. आई.-नियन्त्रित-स्वास्थ्य-सेवा-उपायेषु अनुसंधानं, नवान्वेषणं, क्षमता-निर्माणम्, शैक्षणिक- उत्कृष्टतां, अन्ताराष्ट्रिय सहभागितां च प्रवर्धनम् अस्ति।