क्रीडावार्ता: आईसीसी टी-20 विश्वचषके श्रीलङ्का-दलस्य विजयः
आईसीसी टी-20 विश्वचषके आयोजकः श्रीलङ्का-दलः पल्लेकेले-अन्तर्राष्ट्रिय-क्रीडाङ्गणे ऑस्ट्रेलिया-दलं पराजित्य ‘सुपर-8’ चक्रे स्वस्थानं निश्चितं कृतवान्। पथुम-निसाङ्का महोदयस्य अविजित-शतकस्य बलेन श्रीलङ्का-दलेन केवलम् अष्टादश (18) चक्रेषु (ओवरेषु) द्वयोः स्तौभ्योः हान्या 184 धावनाङ्कान् निर्माय लक्ष्यं प्राप्तम्।
निसाङ्का महोदयस्य द्विपञ्चाशत् (52) कन्दुकाक्षेपणेषु निर्मितं शतकम् अस्य क्रीडा-महोत्सवस्य प्रथमं शतकम् अस्ति। श्रीलङ्का-पक्षतः कुसल-मेण्डिस् महोदयः अपि एकपञ्चाशत् (51) धावनाङ्कानां तीव्रगति-क्रीडां प्रदर्शितवान्।
तस्मात् पूर्वं प्रारम्भिक-फलकक्रीडकौ मिचेल-मार्श-ट्रेविस-हेड महोदयौ तीव्र-अर्धशतकैः तथा 104 धावनाङ्कानां सुदृढ-सहयोगेन ऑस्ट्रेलिया-दलस्य उत्तमं आरम्भं कृतवन्तौ। किन्तु श्रीलङ्का-दलेन मध्यचक्रेषु उत्कृष्टं प्रत्यावर्तनं कृत्वा ऑस्ट्रेलिया-दलं नव (9) स्तोभानां हान्या 181 धावनाङ्केषु अवरुद्धम्।
श्रीलङ्का-पक्षतः दुशान-हेमन्था त्रयः तथा दुष्मन्था-चमीरा द्वौ स्तोभौ प्राप्तवन्तौ। पथुम-निसाङ्का ‘प्लेयर ऑफ द मैच’ (क्रीडा-रत्नम्) इति चितः। ऑस्ट्रेलिया-दलस्य त्रयः प्रतिस्पद्र्धासु द्वौ अङ्कौ स्तः, अधुना सः दलः अग्रे गन्तुं अन्येषां परिणामानां उपरि आश्रितः अस्ति।
अन्येषां स्पर्द्धानां विवरणम्
इङ्ग्लैण्ड-इटली स्पर्धा: ह्यः अन्यस्मिन् द्वन्द्वे इङ्ग्लैण्ड-दलेन कोलकातायाः ईडन-गार्डन्स-क्रीडाङ्गणे ‘ग्रुप-सी’ वर्गे इटली-दलः 24 धावनाङ्कैः पराजितः। इङ्ग्लैण्ड-दलस्य 203 धावनाङ्कानां लक्ष्यं अनुसरन् इटली-दलः 20 ओवरेषु 178 धावनाङ्केषु पूर्णतया पराजितः (All out) अभवत्।
अफगानिस्तान-यूएई स्पर्धा: तस्मात् पूर्वं नवदिल्ल्याः अरुण-जेटली-क्रीडाङ्गणे ‘ग्रुप-डी’ स्पर्धायां अफगानिस्तान-दलेन संयुक्त-अरब-अमीरात (यूएई) दलः पञ्च-विकटैः पराजित्य अस्मिन् महोत्सवे प्रथमः विजयः प्राप्तः। 161 धावनाङ्कानां लक्ष्यं अफगानिस्तान-दलेन 19.2 ओवरेषु पञ्च-विकटानां हान्या 162 धावनाङ्कान् निर्माय पूर्णं कृतम्।
अद्यतन्याः स्पर्धाः (Today’s Matches)
अद्य तिस्रः स्पर्धाः भविष्यन्ति:
ग्रुप-डी: न्यूजीलैण्ड-कनाडा दलयोः मध्ये स्पर्धा चेन्नई-नगरस्य एम.ए. चिदम्बरम-क्रीडाङ्गणे प्रातः एकादश (11:00) वादने भविष्यति।
ग्रुप-बी: आयरलैण्ड-जिम्बाब्वे दलौ पल्लेकेले-क्रीडाङ्गणे अपराह्णे त्रि (3:00) वादने परस्परं सम्मुखीभविष्यतः।
ग्रुप-सी: स्कॉटलैण्ड-नेपालदलयोः स्पर्धा मुम्बई-नगरस्य वानखेड़े-क्रीडाङ्गणे सायं सप्त (7:00) वादने आरप्स्यते।
