Himachal News – स्वास्थ्य-संस्थानेषु सुविधानां कृते १६१७ कोटि-रूप्यकाणि अनुमोदितानि
हिमसंस्कृतवार्ता:- शिमला।
प्रदेशव्यापि उत्तम-स्वास्थ्यसेवानां प्रदानेन उद्देश्येन राज्य-सर्वकारेण ३००० कोटि-रूप्यक-मूल्यकस्य स्वास्थ्य-आधुनिकीकरण-उपक्रमस्य प्रथम-चरणे १६१७ कोटि-रूप्यकाणि स्वीकृतानि। एषा योजना १ अप्रैल २०२६ तः ३० अप्रैल् २०३१ पर्यन्तं प्रवर्तिष्यते। अस्याः योजनायाः अन्तर्गतं स्वास्थ्य- संस्थानेषु अत्याधुनिक- निदानसुविधाः, सिमुलेशन- आधारित- वैद्यकीय- प्रशिक्षण- प्रणाल्यः, कृत्रिम- बुद्धिमत्ता- सक्षम- हस्तधार्य- क्ष- किरण-यन्त्राणि तथा एकीकृत- डिजिटल- स्वास्थ्य-मञ्चः उपलब्धाः करिष्यन्ते।प्रथमचरणे वैद्यकीयमहाविद्यालयेषु नूतन- भवन- निर्माणम्, जीर्णोद्धारः, शैक्षणिकखण्डानां तथा बाह्य-आन्तरिक-रोगी-सुविधानाम् उन्नयनं क्रियते। उच्चस्तरीय- सिमुलेशनकेन्द्राणि, ए. आर. वी. आर. आधारित-प्रशिक्षणसुविधाः, डिजिटल- पुस्तकालयाः, ई-लर्निंग-मञ्चैः सह एकीकृताः कौशलप्रयोगशालाः स्थाप्यन्ते।
द्वितीयचरणे आई. जी. एम. सी., ए. आई. एम. एस. एस. चमियाना, हमीरपुर- स्थित- वैद्यकीय- महाविद्यालये च चिकित्साकेन्द्राणां सुदृढीकरणं भविष्यति। वृक्क- प्रतिरोपणम्, अस्थिमज्जा- प्रतिरोपणम्, स्नायुतन्त्र- शल्यचिकित्सा, हृदय- वक्ष- शल्यचिकित्सा, उन्नत- एण्डोस्कोपिक- प्रक्रियाः, बाल-चिकित्सासेवाः, रोबोट- सहायित- शल्यक्रियाः इत्यादीनां विस्तारः क्रियते। ओ- आर्म- त्रि- आयामी- चित्रणप्रणाली, न्यूरो- नेविगेशनतन्त्रं, रोबोटिक- शल्यप्रणाली, एकीकृत- गम्भीर- परिचर्या- निगरानीतन्त्रेण संस्थानानि सुसज्जितानि भविष्यन्ति। उन्नत- शिशु- चिकित्सा- परिचर्या- नवाचार- केन्द्रम् अपि स्थाप्यते, यत् गम्भीर-शल्य-तथा दूरसंचार- सक्षम- शिशु- चिकित्सा- सेवानाम् एकीकरणं करिष्यति।तृतीयचरणे आदर्शस्वास्थ्यसंस्थानानि सुदृढीकृतानि भविष्यन्ति। तेषु सी. टी. स्कैनर, चल- क्ष-किरण-यन्त्राणि, अल्ट्रासोनोग्राफी- यन्त्राणि, लैप्रोस्कोपिकप्रणाल्यः, नेत्र- शल्य- एकका: च स्थापिताः भविष्यन्ति। टेलीमेडिसिन- सेवानां विस्तारः, डिजिटल-संदर्भ-जालस्य (रेफरल- नेटवर्क) विकासः क्रियते, येन जिला- चिकित्सालयाः तृतीयक- सुपर- विशेषज्ञकेन्द्रैः सह निर्बाधतया संयोज्यन्ते।मुख्यमन्त्री सुखविन्द्रसिंह-सुक्खू-महोदयेन उक्तं यत् स्वास्थ्य-संस्थानेषु अत्याधुनिक- चिकित्सा- उपकरण- संयोजनार्थं ३००० कोटि- रूप्यक- निवेशस्य योजना प्रवर्तते। स्वास्थ्य-विभागस्य विवरणानुसारं प्रतिवर्षं ९.५ लक्ष-रोगिणः उपचारार्थं हिमाचलप्रदेशात् बहिर्गच्छन्ति, यस्मात् राज्यस्य सकल-आर्थिक-उत्पादने (जीडीपी) प्रायः १३५० कोटि-रूप्यकाणाम् आर्थिक-हानिः भवति। एषा योजना प्रदेशे स्वास्थ्य-सेवानां गुणवत्तां संवर्धयित्वा जनसामान्याय सुलभं, आधुनिकं च चिकित्सोपचारं प्रदास्यति।
