HP Vidhan Sabha Budget Session – विधानसभा-सत्राय सुदृढाः सुरक्षा-व्यवस्थाः। ८७२ पुलिस-कर्मचारिणः नियुक्ताः
हिमसंस्कृतवार्ता:- शिमला।
विधानसभासत्रस्य अवसरे पुलिस-विभागेन सुदृढाः सुरक्षाव्यवस्थाः कृताः। विधानसभापरिसरेण सह नगरस्य प्रवेशद्वारेषु अपि सतर्कता वर्धिता अस्ति। तवी-मोड, शोघी इत्यादिषु स्थानेषु पुलिस-बलस्य नियुक्तिः कृता। संभावित- धरनाप्रदर्शन- रैली- आदीनां दृष्ट्या विधानसभापरिसरः तस्य समीपवर्तीक्षेत्रं च चतुर्षु सेक्टर-भागेषु विभक्तम् अस्ति। प्रत्येकक्षेत्रे राजपत्रित- पुलिस- अधिकारिण: प्रभारीरूपेण नियुक्ताः। सत्रकाले १५ राजपत्रित- अधिकारिण:, ३० अराजपत्रित- अधिकारिण:, ६६ मुख्य- आरक्षिणः, ३७५ आरक्षिणः, ४७ महिला-आरक्षिणः, १६ संचार- कर्मचारिणः नियुक्ताः सन्ति। २०० होमगार्ड- आरक्षका:, क्विक-रिएक्शन-टीम, विशेष- सुरक्षा- एककम् अन्येषां विशेषदलानां ७५ प्रशिक्षित- कमाण्डो अपि विविधेषु स्थानेषु नियोजिता: भविष्यन्ति। समग्रतया ८७२ अधिकारी- कर्मचारिणः नगरस्य समीपवर्ती- प्रदेशेषु नियुक्ताः सन्ति।
पुलिसविभागस्य विशेषशाखा, राज्य- अन्वेषण- विभागस्य कर्मचारिण: अपि सामान्य-वेषेण नियोजिता: भविष्यन्ति। सुरक्षा-सुदृढीकरणार्थं सीसीटीवी-कैमरा-प्रणाली, डिजिटल- वीडियोग्राफी, फोटोग्राफी तथा ड्रोन- निरीक्षण- व्यवस्था अपि उपयुज्यते। वरिष्ठ-पुलिस-अधीक्षकः शिमला गौरवसिंहमहोदयः जनान् प्रति आह्वानं कृतवान् यत् सुरक्षा-निरीक्षणे सहयोगं कुर्वन्तु, मिथ्याभ्रान्ति: न विश्वसन्तु, संशयास्पद- गतिविधीनां विषये शीघ्रं पुलिस-विभागं सूचयन्तु।
यातायात-व्यवस्थाया: सुदृढीकरणम्
नगरस्य यातायात-व्यवस्थां सुव्यवस्थितां कर्तुं एकस्य राजपत्रित-अधिकारिण: निरीक्षणे ट्रैफिक- पुलिसस्य अतिरिक्त-५० पुलिस-आरक्षका: तथा ३० होमगार्ड-कर्मचारिणः नियुक्ताः। सोमवासरात् आरभ्य अतिरिक्त-बलस्य नियुक्त्या जनानां पीक- ऑवर्स- कालेषु उत्पद्यमान- यातायात- सम्मर्द- समस्यायाः शमनस्य अपेक्षा व्यक्ता अस्ति। एवं विधानसभासत्रं निर्विघ्नतया सम्पन्नं भवेत् इति प्रशासनस्य प्रमुखो लक्ष्यः अस्ति।
