“मनरेगा बचाओ संग्राम: राज्यसर्वकारः होराद्वयं यावत् उपवासं करिष्यति

“मनरेगा बचाओ संग्राम: राज्यसर्वकारः होराद्वयं यावत् उपवासं करिष्यति, काङ्ग्रेस-नेतारः श्वः रिज-मैदाने विरोध-प्रदर्शनं करिष्यन्ति।”
मनरेगा-योजनायाः महात्मागान्धिनः नाम निष्कासनस्य तथा च योजनायाः दुर्बलीकरणस्य विरोधे मुख्यमन्त्री-उपमुख्यमन्त्रिणा सह सम्पूर्णं मन्त्रिमण्डलं होराद्वयं यावत् उपवासं करिष्यति। अस्मिन् हिमाचल-काङ्ग्रेस-प्रभारी रजनी पाटिल अपि मुख्यरूपेण सम्मिलिता भविष्यति। जनवरी-मासस्य ३० दिनाङ्के शिमलास्थित-ऐतिहासिक-रिज-मैदाने महात्मागान्धिनः प्रतिमायाः सम्मुखं एषः उपवासः भविष्यति। अतः हिमाचल-काङ्ग्रेस-अध्यक्षेण सर्वेभ्यः मण्डलाध्यक्षेभ्यः, विधायाकेभ्यः, पूर्वविधायाकेभ्यः अन्येभ्यः च अस्मिन् कार्यक्रमे भागं ग्रहीतुं निर्देशाः निर्गताः। उल्लेखनीयं वर्तते यत् अखिलभारतीय-काङ्ग्रेस-समित्या मनरेगा-योजनातः महात्मागान्धिनः नाम निष्कासनस्य विरोधाय देशव्यापी ‘मनरेगा बचाओ संग्राम’ (मनरेगा-रक्षण-सङ्ग्रामः) आरब्धः। अस्य अन्तर्गतं हिमाचलप्रदेशे अपि काङ्ग्रेस-पक्षेण एकं अभियानं चालितम् अस्ति तथा च ग्रामस्तरे कार्यक्रमाणां आयोजनं क्रियते। अस्यामेव शृङ्खलायां हिमाचल-काङ्ग्रेस-पक्षेण ३० जनवरी दिनाङ्के प्रातः ११ वादने मध्याह्न १ वादनं यावत् रिज-मैदाने गान्धि-प्रतिमायाः पुरतः उपवासं कर्तुं निर्णयः गृहीतः।