प्रधानमन्त्री श्रीनरेन्द्रमोदी त्रिनिदाद टोबैगो-देशे षष्ठवंशश्रेणिक-भारतीयमूलस्य नागरिकाणां कृते ओ.सी.आई-कार्ड इत्यस्य घोषणां कृतवान्

प्रधानमन्त्री श्रीनरेन्द्रमोदी त्रिनिदाद टोबैगो-देशे षष्ठवंशश्रेणिक-भारतीयमूलस्य नागरिकाणां कृते ओ.सी.आई-कार्ड इत्यस्य घोषणां कृतवान्
हिमसंस्कृतवार्ता: – प्रधानमन्त्री श्रीनरेन्द्रमोदी त्रिनिदाद-टोबैगो-देशयो: षष्ठवंशश्रेणिक-भारतीयमूलस्य नागरिकाणां कृते ओ.सी.आई-कार्ड इति भारतीय-विदेशी-नागरिकपत्रस्य घोषणां कृतवान्, येन ते भारते प्रतिबन्धं विना निवासं कार्यं च कर्तुं शक्नुवन्ति। त्रिनिदाद-टोबैगो-देशे एकं कार्यक्रमं सम्बोधयन् श्रीमोदी भारतीयसमुदायं स्व-पैतृकभूमौ भ्रमितुं, भारतेन सह-सम्बन्धं गभीरं कर्तुं च प्रोत्साहितवान्। श्रीमोदी यूपीआई-इति मुद्राविनिमय-व्यवस्थायाः स्वीकरणाय प्रथम-कैरिबियन-राष्ट्राय त्रिनिदाद-टोबैगो-देशाय अभिनन्दनं च कृतवान्। सः अवदत् यत् यूपीआई-अनुमोदनं न केवलं त्रिनिदाद्-टोबैगो-देशाय अपितु भारताय अपि लाभप्रदम् अस्ति।
भारत-अर्जेण्टिना-राष्ट्रयोः सामरिक सहभागिता-वर्धनस्य उपायाः अन्वेषिताः भविष्यन्ति- प्रधानमन्त्री नरेन्द्रमोदी
हिमसंस्कृतवार्ता: – पञ्च-राष्ट्रयात्रायाः अग्रिमपदे प्रधानमन्त्री नरेन्द्रमोदी राष्ट्रपतेः जेवियर मिलेइ इत्यस्य आमन्त्रणेन, अर्जन्टीनादेशस्य भ्रमणं करिष्यति। इयं च सप्तपञ्चाशत्-वर्षेषु भारतीयप्रधानमन्त्रित्वेन अर्जेन्टिनादेशस्य प्रथमा द्विपक्षीययात्रा भविष्यति। चर्चासु प्रचलित-सहकार्यस्य समीक्षा भविष्यति, द्वयोः राष्ट्रयोः सामरिक सहभागिता-वर्धनस्य उपायाः च अन्वेषिताः भविष्यन्ति। आकाशवाण्या सह विशेषसंवादे अर्जेन्टिनादेशे भारतस्य राजदूतः (नियुक्तः) अजनीशकुमारः, प्रधानमन्त्रिणः भ्रमणकाले चर्चायाः सम्भाव्यक्षेत्राणां रूपरेखां प्रकाशितवान्।