तेलंगानाराज्यस्य संगरेड्डी-मण्डले औद्योगिकैकक-विस्फोटघटनायां द्वादश श्रमिकाः मृताः,

तेलंगानाराज्यस्य संगरेड्डी-मण्डले औद्योगिकैकक-विस्फोटघटनायां द्वादश श्रमिकाः मृताः, षड्विंशति-जनाः व्रणिताः अभवन्
हिमसंस्कृतवार्ता: – तेलंगानाराज्यस्य संगरेड्डी-मण्डले एकस्मिन् बृहद्-रासायनिक औद्योगिकैकक-विस्फोटघटनायां द्वादश श्रमिकाः मृताः, षड्विंशति-जनाः व्रणिताः अभवन्। एतेन विस्फोटेन विशालः अग्निः उत्पन्नः, येनाग्निना सिगाची केमिकल्स् इति परिसरः आक्रान्तोऽभवत्। राष्ट्रिय-आपदोद्धार-दलेन राज्य आपदोद्धार-दलेन च मिलित्वा स्थानीय प्रशासनस्य सहयोगेन च रक्षाकार्यं प्रचलति। राज्यस्य श्रममन्त्री विवेकवेंकटस्वामी उक्तवान् यत् घटनायाः कारणान्वेषणं प्रचलति। मुख्यमन्त्री रेवन्तरेड्डी आहतानाम् कृते उत्तमचिकित्सासहायतां दातुम् अधिकारिभ्यः निर्देशं दत्तवान्। राष्ट्रपति: द्रौपदीमुर्मूः, प्रधानमन्त्री नरेन्द्रमोदी च अस्यां घटनायां पीडितानां कृते शोकसंवेदनाः प्रकटितवन्तौ। अन्तर्जालीयसन्देशे राष्ट्रपति-मुर्मूना उक्तं यत् सा दुःखदघटनायाः विषये अतीव दुःखिता अस्ति, शोकग्रस्त-परिवारेभ्यः सा समर्थनं प्रकटितवती। सा आहतानाम् शीघ्रस्वस्थतायै प्रार्थनां कृतवती। श्रीमोदिना प्रधानमन्त्री-राष्ट्रिय-आपदुद्धार-कोषात् प्रत्येकस्य मृतस्य निकटजनानाम् कृते अनुग्रहराशिरूपेण लक्षद्वयं, दुर्घटनायां व्रणितानां कृते पञ्चाशत्-सहस्ररूप्यकाणां च अनुग्रहः घोषितः।