युवाकार्य-खेलमन्त्रालयः सम्पूर्णे देशे राष्ट्रमण्डलक्रीडादिवसस्य सम्पादनार्थं ‘फिट् इण्डिया संडेज् ऑन् साइकिल्’ इत्यस्य पञ्चसप्ततितमं (75th) महासंस्करणं संविधास्यति

युवाकार्य-खेलमन्त्रालयः सम्पूर्णे देशे राष्ट्रमण्डलक्रीडादिवसस्य सम्पादनार्थं ‘फिट् इण्डिया संडेज् ऑन् साइकिल्’ इत्यस्य पञ्चसप्ततितमं (75th) महासंस्करणं संविधास्यति।
युवाकार्य-खेलमन्त्री डॉ. मनसुख माण्डविया महोदयः मई-मासस्य चतुर्विंशतितमे (24) दिनाङ्के अहमदाबाद-नगरात् एतेषां समारोहाणाम् नेतृत्वं करिष्यति। मन्त्रालयेन प्रोक्तं यत् अस्याः पहल्याः (प्रवृत्तेः) उद्देश्यं २०३० (द्विसहस्रत्रिंशत्) तमे वर्षे आयोज्यमानानां राष्ट्रमण्डलक्रीडानां भारतस्य आतिथ्यं प्रति जनभागितां वर्धयितुम् अस्ति, येन सहैव देशस्य दीर्घकालिकायाः ओलम्पिक-महत्त्वाकाङ्क्षायाः दिशि गतिः प्रदातुं शक्येत। इदं पञ्चसप्ततितमं संस्करणं केवलम् एकं साइकिल-अभियानत्वेन न, अपितु एकस्य राष्ट्रव्यापिनः क्रीडामहोत्सवस्य रूपेण प्रस्तूयते, यः भारतस्य वैश्विकक्रीडाशक्तित्वेन प्रादुर्भावस्य प्रतीकः अस्ति।इदं साइकिल-अभियानं सम्पूर्णे देशे अष्टसहस्रेभ्यः (8000+) अधिकेषु स्थानेषु नागरिकान् एकसूत्रेषु ग्रथिष्यति (एकत्रयिष्यति)। अहमदाबाद-नगरे राष्ट्रमण्डलक्रीडानां मुख्यविषयम् (थीम) आधृत्य एका विशिष्टा प्रदर्शिनी अपि उद्घाटयिष्यते।