आन्ध्रप्रदेशस्य गुण्टूर-मण्डलस्य छात्राणाम् एकेन प्रतिनिधिमण्डलेन उपराष्ट्रपतिभवने उपराष्ट्रपतिना सी. पी. राधाकृष्णन्-महोदयेन सह मेलनम् कृतम्
निर्धन-वञ्चितपृष्ठभूमेः छात्रान् शैक्षणिकभ्रमणाय देहलीम् आनेतुं कृतस्य प्रयासस्य प्रशंसां कुर्वन् उपराष्ट्रपतिः अवदत् यत् एतादृशैः प्रवासैः छात्राणां कक्षायाः बहिः ज्ञाने तथा च तेषां दृष्टिकोणस्य विशालीकरणे सहायता भवति।
संवादकाले उपराष्ट्रपतिः छात्रान् अपरामृशत् यत् ते स्वकीयाम् वर्तमानाम् आर्थिकस्थितिं दृष्ट्वा निराशां न भजेयुः। सः अकथयत् यत् शिक्षा तान् जीवने साफल्यं प्राप्तुं सक्षमीकरिष्यति। उपराष्ट्रपतिना प्रतिपादितं यत् सर्वकारीयविद्यालयेभ्यः अधिकं महत्त्वं प्रदातव्यं तथा च ते उत्तमप्रदर्शनाय प्रोत्साहनीयाः। सः सांसदान् विधायकान् च सर्वकारीयविद्यालयानां सुधाराय तान् सुदृढान् कर्तुं च ध्यानं केन्द्रयितुम् अपि साग्रहं न्यवेदयत्।
श्रीराधाकृष्णन्-महोदयः एतस्मिन् विषये अपि प्रसन्नातां प्राकटयत् यत् देहल्याः शैक्षणिकप्रवासे आगतेषु ४१ सर्वकारीयविद्यालयानां मेधाविच्छात्रेषु २७ छात्राः आसन्, यत् देशे ‘नारीशक्तेः’ वर्धमानं सामर्थ्यं दर्शयति। उपराष्ट्रपतिः छात्रेभ्यः सर्वदा त्रीन् सिद्धान्तान् स्मर्तुं परामर्शं दत्तवान्— पूर्णनिष्ठया कठिनपरिश्रमः, सफलतायां सत्याम् अपि विनम्रता, तथा च स्वज्ञानस्य उपयोगः समाजस्य कल्याणाथं करणम्।
