भारत-साइप्रस देशयोः मध्ये नवदिल्ल्याम् आतंकवादावरोधस्य नवान्वेषण-तन्त्रज्ञानयोः विषये सन्धिपत्राणां आदानप्रदानम् अभवत्

भारत-साइप्रस देशयोः मध्ये नवदिल्ल्याम् आतंकवादावरोधस्य नवान्वेषण-तन्त्रज्ञानयोः विषये सन्धिपत्राणां आदानप्रदानम् अभवत्
भारत-साइप्रस देशयोः मध्ये नवदिल्ल्याम् आतंकवादावरोधस्य विषये, नवान्वेषण-तन्त्रज्ञानयोः, उच्चशिक्षायां, अनुसंधाने, सांस्कृतिकसहयोगे च संयुक्तकार्यसमूहस्य स्थापनेत्यादीनां विभिन्नक्षेत्रेषु अनेकेषां सन्धिपत्राणां आदानप्रदानम् अभवत्। प्रधानमन्त्री नरेन्द्रमोदी साइप्रस देशस्य राष्ट्रपतिना निकोस् क्रिस्टोडौलाइड्स् इत्यनेन सह विविधेषु क्षेत्रेषु द्वैपाक्षिकसहकारं सुदृढी कर्तुं चर्चा कृतवान्। बहुपाक्षिक-मञ्चेषु सहकार्येण सह क्षेत्रीय-वैश्चिक-महत्त्वस्य विषयेषु अपि तौ विचाराणाम् आदानप्रदानं कृतवन्तौ। संयुक्त-वक्तव्ये प्रधानमन्त्रिणा नरेन्द्रमोदिना भारत-साइप्रस-देशयोः मैत्री न केवलं दृढः अपितु भविष्य-अभिमुखी अपि अस्तीति उक्तम्। सः अवदत् यत्, गतदशके साइप्रस देशात् भारते निवेशः प्रायः द्विगुणितः अभवत्। तेनोदीरितं यत्, भारत-यूरोपीय-सङ्घ-मुक्तव्यापारसमन्वयेन अनेकाः नूतनाः सम्भावनाः उद्भूताः सन्ति, उभयोः देशयोः मध्ये विश्वासः च वर्धितः अस्ति। अग्रिमेषु पञ्चवर्षेषु पुनः निवेशप्रवाहं द्विगुणीकर्तुं भारत-साइप्रस देशयोः लक्ष्यम् अस्तीति श्रीमोदी अवदत्। साइप्रस देशस्य राष्ट्रपतिः निकोस् क्रिस्टोडीलाइड्स् इत्येषः अवदत् यत् उभयोः राष्ट्रयोः मध्ये द्वैपाक्षिकसम्बन्धाः, यूरोपीयसङ्घ भारतसम्बन्धाः च गतवर्षे अत्यन्तं प्रगतिम् अकुर्वन्। प्रातःकाले विदेशमन्त्री डा. एस्. जयशङ्करः साइप्रस देशस्य राष्ट्रपतिना सह मेलनं कृतवान्। सामाजिकान्तर्जालीये पटले डा. जयशङ्करः अवदत् यत् सः द्वयोः राष्ट्रयोः मध्ये द्वैपाक्षिक-सम्बन्धान् सुदृढं कर्तुं, भारत-यूरोपीय सहयोगाय च सकारात्मक-भावानां मार्गदर्शनस्य च प्रशंसाम् अकरोत्। साइप्रस देशस्य राष्ट्रपतिः निकोस् क्रिस्टोडीलाइड्स् इत्येषः भारतस्य चतुर्दिवसीय यात्रायाम् अस्ति।