सिक्किमराज्ये निरन्तरं प्रचण्डवृष्ट्या जीवनं बाधितम्

सिक्किमराज्ये निरन्तरं प्रचण्डवृष्ट्या जीवनं बाधितम्
गङ्गटोक । सिक्किमनगरे निरन्तरं प्रचण्डवृष्ट्या जीवनं बाधितं जातम्। विशेषतः उत्तरसिक्किमस्य मङ्गनमण्डले स्थितिः गम्भीरा वर्तते, यत्र तीस्तानद्याः जलस्तरः गम्भीररूपेण वर्धितः अस्ति, भूस्खलनेन अनेकस्थानेषु मार्गाः पूर्णतया अवरुद्धाः सन्ति। अस्य कारणात् लाचेन्-नगरे ११५ पर्यटकाः, लाचुङ्ग-नगरे च प्रायः १३५० पर्यटकाः अटन्ति। भारतीयमौसमविभागेन मङ्गनमण्डलस्य कृते ‘रेड अलर्ट’ इति अधिसूचितम्, नामची, सोरेङ्ग्, गङ्गटोक्, पाक्योङ्ग् जनपदेषु ‘नारङ्गसचेतना’ घोषिता अस्ति।
शनिवासरे रात्रौ फिडाङ्गग्रामे परिसरेषु च मेघविस्फोटेन महतः विनाशः अभवत्। अत्यधिकवृष्ट्या भूस्खलनेन च बहूनि गृहाणि क्षतिग्रस्तानि सन्ति तथा च विद्युत्-सञ्चार-सेवाः पूर्णतया बाधिताः सन्ति। प्रशासनिकाधिकारिणां मते यावत् मौसमः स्वच्छः न भवति, मार्गमरम्मतकार्यं न आरभ्यते तावत् उद्धारकार्यं असम्भवम् अस्ति। सम्प्रति पाशैः वैकल्पिकैः उपायैः च उद्धारयोजनाः क्रियन्ते, परन्तु अस्य कृते अपि वर्षाणां स्थगिततायाः आवश्यकता वर्तते । बन्धुजनाः अत्यन्तं चिन्तिताः सन्ति यतः मोबाईलजालं न्यूनीकृतम् अस्ति तथा च ते अटन्तानाम् पर्यटकानां बन्धुभिः सह सम्पर्कं कर्तुं असमर्थाः सन्ति, यस्मात् कारणात् लाचुङ्ग, लाचेन् इत्यादिषु संवेदनशीलपर्यटनस्थानेषु यातायातस्य पूर्णतया बाधा भवति। तीव्रायाः वर्षायाः अनंतरम् भूस्खलनस्य, गृहस्य च पतनस्य कारणेन सप्तविंशतिः जनाः मृताः। ऋतुविभागेन आगामिषु सप्तदिनेषु क्षेत्रे प्रचण्डवृष्टिः अनुमिता । पूर्वोत्तर- षट् राज्येषु मध्यमात् प्रचण्डवृष्ट्या सामान्यं जीवनं भृशं प्रभावितम्। अधिकारिभिः पुष्टिः कृता यत् तीव्रया वर्षया भूस्खलनं, गृहपतनम् च जातम्। अनेन कारणेन सप्तविंशतिः जनाः मृताः। सप्तविंशति – पीडितेषु अरुणाचलप्रदेशतः नव, मेघालये षट्, असम-मिजोरम-प्रदेशाभ्यां पञ्च-पञ्च, त्रिपुरा-नागालैण्ड्-प्रदेशयोः एकः, एते मृताः। मिजोरमे विगत त्रिदिवसेषु आकस्मिकजलौघस्य भूस्खलनस्य च कारणात् पञ्चजनाः मृताः। श्रीशाहः राज्य-नेतृभिः सह वार्ता कृतवान् आवश्यक-सहयोगाय निगदितवान्। बुधवासरपर्यन्तं जम्मू-कश्मीर-लद्दाख गिलगित-बाल्टिस्तान-मुजफ्फराबाद-हिमाचलप्रदेश-उत्तरखण्ड-पञ्जाब-हरियाणा-चण्डीगढ-दिल्ली-नगरेषु अपि एतादृशी स्थितिः अनुमीयते। विभागेन आगामिदिनत्रयपर्यन्तं पश्चिमराजस्थाने धूलिकायाः वात्यानां च पूर्वानुमानं कृतम् ।