उत्तरप्रदेश- संस्कृतसंस्थाने प्रशिक्षणस्य सहभागिभिः प्रशिक्षुभि: समाचरितः अन्ताराष्ट्रियः महिलादिवसः

उत्तरप्रदेश- संस्कृतसंस्थाने प्रशिक्षणस्य सहभागिभिः प्रशिक्षुभि: समाचरितः अन्ताराष्ट्रियः महिलादिवसः
हिमसंस्कृतवार्ता:- प्रवेशकुमारशुक्ल: , लखनऊ)
“न स्रीरत्नसमं रत्नम्” अन्तारष्ट्रियमहिलादिवस: प्रतिवर्षं मार्चमासस्य अष्टमे दिनाड्के समाचर्यते। महिलानां राजनीतिक- सामाजिक- आर्थिकादिविकासाय उत्तरप्रदेश- संस्कृतसंस्थाने सरलसंस्कृत- भाषाशिक्षकप्रशिक्षणस्यअष्टमे दिने प्रशिक्षुभि: ०८/०३/२५ दिनाड्के अन्ताराष्ट्रीय- महिलादिवसस्योपलक्ष्ये सभा समायोजिता। बृजेशाचौधरी प्रथमं वाग्देवीगीतेन समर्चितवान्। मुख्यवक्त्रित्वेन उपस्थितासीत् प्रेरिका अग्रवाल: वक्त्रित्वेन अनन्या श्रीवास्तव: सुरभिपाण्डेय: समुपस्थिता: आसन्। सर्वाषाञ्कृते स्वागतगीतं गीतवती जयासिंह। स्वागतभाषणै: वाक्पुष्पै: च स्वागतं कृतवती ज्योत्स्नामहोदया। आत्मसम्मानस्य भावः तासां विकल्पनिर्णयस्य अधिकारावसरान् संसाधनं च प्राप्तुं तासां अधिकारान् गृहस्यान्तः बहिश्च स्वजीवनं नियन्त्रयितुं शक्तिं प्राप्तुं तासाम् अधिकारः, राष्ट्रिय- अन्तार्राष्ट्रीयस्तरयोः अधिकसमानतापूर्णं सामाजिकमार्थिकं च व्यवस्थां निर्मातुं कथं महिला: समर्था: भविष्यन्तिति वक्त्री अनन्या श्रीवास्तव उद्बोधितवती। वक्त्री सुरभीमहोदया उक्तवती “यत्रनार्यस्तु पूज्यन्ते रमन्ते तत्र देवता:” यत्र नारीणां सम्मानं भवति तत्र देवानामावास: भवतीति। मुख्यवक्त्री प्रेरिका अग्रवालमहोदया भणितं महिलादिवसः २०२५ इति सर्वा: अद्भुता: महिला: सम्मानयितुं दिवसोऽस्ति या: समाजं प्रेरयन्ति, सशक्तिकरणं कुर्वन्ति, परिवर्तनस्योदाहरणञ्च स्थापयन्ति। अस्मिन् वर्षे “कार्यं त्वरितम्” (Accelerate Action) इति विषयः सर्वान् स्मारयति यत् लैङ्गिकसमानतां प्राप्तुं प्रयत्नाः त्वरिताः करणीयाः इति बोधिता:। प्रशिक्षणप्रमुखा: धीरजमैठाणी, राधाशर्मा, अनिलगौतम: प्रशिक्षका:- राजनदूबे:, सत्मम् मिश्र: महेन्द्रमिश्र:, आस्थाशुक्ला , कृतिकृष्णा प्रभृतय: उपस्थिता: आसन्। सर्वासां साधुवादज्ञापनं अल्का तिवारी ज्ञापितवती। अन्नू भारती शान्तिमन्त्रेण सभाया: समापनं कारितवती।