अजय देवगनस्य सफलस्य चलच्चित्रस्य सीक्वलस्य चलच्चित्रस्य प्रसारणतिथ्यां परिवर्तनं जातम्
वार्ताहर: – जगदीशडाभी (मुम्बई)
बॉलीवुडाभिनेता अजय देवगनः अद्यैव सिंघम अगेन इति चलच्चित्रे दृष्टः । अस्य चलच्चित्रस्य सम्यक् प्रतिसादः प्राप्तः अस्ति । अस्य चलच्चित्रस्य प्रदर्शनानन्तरम् अजयस्य नूतनस्य चलच्चित्रस्य प्रदर्शनस्य तिथिः परिवर्तिता अस्ति । अजय देवगनस्य सफल-चलच्चित्रं रेड् इति २०१८ तमे वर्षे प्रदर्शितं भवति स्म । अस्मिन् चलच्चित्रे अजयः IRS-अधिकारिणः अमय पटनायकस्य भूमिकायां दृश्यते स्म । जनानां कृते एतत् चलच्चित्रं बहु रोचते स्म । अधुना च अस्य चलच्चित्रस्य उत्तरकथा आगच्छति। रेड् इत्यस्य उत्तरकथा रेग २ इत्यस्य नूतना विमोचनतिथिः घोषिता जाता । आगामिवर्षे एतत् चलच्चित्रं प्रदर्शितं भविष्यति। अजय देवगनः सामाजिकमाध्यमेषु चलच्चित्रस्य विज्ञापन छायाचित्रं प्रसारितं कृत्वा नूतनप्रदर्शनस्य तिथ्या: घोषणां कृतवान् । एतत् चलच्चित्रं २०२५ तमस्य वर्षस्य मईमासस्य १-दिनाङ्के प्रदर्शितं भविष्यति । जनसंचारमध्ये छायाचित्रे अजय देवगन: लिखितवान् यत् आईआरएस-अधिकारी अमय पटनायकः २०२५ तमे वर्षे स्वस्य अग्रिममिशनस्य आरम्भं करिष्यति। पूर्वं एतत् चलच्चित्रं फेब्रुवरीमासे प्रदर्शितं भविष्यति ।
