Amritsar News : अमृतसरे स्वर्णमन्दिरस्य द्वारे अकालीदलस्य अध्यक्षस्य सुखबीरसिंहबादलोपरि प्राणघातकम् आक्रमणम्
हिमसंस्कृतवार्ता: – अमृतसरम्। पञ्जाबप्रान्तस्य अमृतसरे स्वर्णमन्दिरस्य मुख्यद्वारे शिरोमणि- अकालीदलस्य अध्यक्षस्य सुखबीरसिंहबादलोपरि प्राणघातकाक्रमणम् अभवत्। स्वर्णमन्दिरे तस्योपरि गुलिकाप्रहार: कृत: यद्यपि स: सुरक्षित: अस्ति। असौ अकालतख्तसाहिब- इत्यस्य पक्षत: धार्मिकदण्डं निर्वोढुं श्रीहरमिंदरसाहिबं प्राप्त: आसीत्। पुलिसदलेन आक्रमकः नारायणसिंहः चौरा इत्याख्यः गृहीतः। जनमतानुसारं सः बब्बरखालसा- अन्ताराष्ट्रीयस्य आतङ्कवादी आसीत्। सः १९८४ तमे वर्षे पाकिस्तानं गतवान्। पंजाबे आतङ्कवादस्य प्रारम्भिककाले शस्त्रविस्फोटकानां च विपणने सहाय्यं कृतवान्। पाकिस्ताने स्थित्वा सः गुरिल्लायुद्धे च राष्ट्रद्रोहिणः साहित्ये च पुस्तकं रचितवान्। असौ बुड़ैल-कारागार-खण्डनस्य प्रकरणेऽपि अभियुक्तः वर्तते। पूर्वं च पंजाबस्य कारागारे अपि दण्डं भुक्तवान् अस्ति।
प्रातःकाले सार्धनववादने घटिता घटना
बुधवासरे प्रातःकाले प्रायः ९:३० वादने सुखबीरसिंह बादलः घंटाघरद्वारस्य समीपे श्रीहरमन्दिरसाहिबे स्थितः। तत्कालेन कश्चन पुरुषः आगत्य स्वहस्तगत- भुशुण्डिकया गुलिकाप्रहारं कृतवान्। गुलिका सुखबीरसिंहस्य समीपं गत्वा भित्तौ अलगत्।
सुरक्षाकर्मिभिः तत्क्षणमेव सुखबीरसिंहस्य सुरक्षायाम् परिक्रमणं कृतम्, आरोपी चापि गृहीत:। अभियुक्त: पुलिसस्य नियन्त्रणे समर्पितः। प्रकरणस्य गवेषणं च प्रवर्तमानं वर्तते।
आरोपिणः परिचयः
आरोपिणः नाम नारायणसिंहः चौरा इति वर्तते। सः डेरा बाबानानकस्थानातः आगतः। स: दलखालसासंबद्धः इति वक्तुं शक्यते। गुलिकाप्रहारानन्तरं सुखबीरसिंहस्य समीपस्थितैः व्यक्तिभिः स: द्रुतं निगृहीत:, तस्य हस्तं चोपरि स्थापितम्। घटना मुख्यद्वारसमीपे अभवत्। सुखबीरसिंहस्य पादे पूर्वं भङ्गः अस्ति, तस्मात् सः आसन्दे उपविष्टः सेवां कुर्वन्नासीत्।
मंगलवारे अपि स्वर्णमन्दिरमागत: आसीत् आरोपीयुवक:
सूत्राणां मतानुसारम्, आरोपीयुवक: मंगलवारे अपि श्रीहरमन्दिरसाहिबं प्राप्य दृष्टः। गुप्तसूचना प्राप्ते सत्यपि पुलिसदलं सचेतितमासीत्, आरोपिण: उपरि: दृष्टि: चासीत्।
अमृतसरस्य पुलिस-आयुक्तः गुरुप्रीतसिंहः भुल्लरः उक्तवान् यत् पुलिससदस्यैः सतर्कतया प्रवर्तनं कृत्वा आक्रमणस्य योजना विफला कृता। आरोपी नारायणसिंहः चौरा पूर्वं विभिन्नापराधं कृतवान्। अभियोगं पञ्जीकृतम् तस्य अपराधवृत्तान्तंपरिशील्यते।
