ब्रैम्पटन-नगरस्य हिन्दु-मन्दिरस्य उपरि खालिस्तानी-जनानाम् आक्रमणस्य विरुद्धं ट्रुडोसर्वकारस्य प्रतिक्रिया
हिमसंस्कृतवार्ता: । ब्रैम्पटन-नगरस्य हिन्दु-मन्दिरस्य उपरि खालिस्तानी-जनानाम् आक्रमणस्य विरुद्धं भारतसहितं सम्पूर्णे विश्वे एतस्य घटनायाः निन्दा कृता। ततः परं कनाडादेशस्य ट्रूडो-सर्वकारः दाबे आगतः। आक्रमणसमये मन्दिरस्य बहिः प्रदर्शने सम्बद्धं पुलिस-अधिकारि: ट्रुडो-सर्वकारेण निलम्बित:। वार्तानुसारं अयं पुलिस-अधिकारी मन्दिरस्य बहिः खालिस्तान-समर्थक-विरोध-प्रदर्शने सम्मिलितः आसीत्, तस्य ध्वजं अपि हस्ते धारयति स्म । पुलिसकर्मचारिणः एतत् विडियोचित्रं सामाजिकमाध्यमेषु प्रसरित: अभवत्।
निलम्बित: पुलिसकर्मी हरिन्दरसोही इति नाम्ना परिचित:
सीबीसी न्यूज इत्यस्यानुसारं निलम्बितस्य पुलिसकर्मचारिणः पीलक्षेत्रीयपुलिसपदाधिकारी हरिन्दरसोही इति रुपेण परिचय: कृतः। विडियोमध्ये सोही खालिस्तानीध्वजं धारयति, अन्ये तु भारतविरोधी उद्घोषा: उत्थापयन्ति। प्रदर्शनसमये सोही पुलिसपरिधाने नासीत् । मीडियासम्बन्धाधिकारी रिचर्ड चिन् सीबीसी न्यूज इत्येष: ईमेलद्वारा अवदत् यत् ‘पुलिसविभाग: सामाजिकमाध्यमेषु एतत् विडियोचलचित्रं प्रसरित: अस्ति इत्यनेन अवगतः अस्ति।’ “विडियो दर्शयति यत् प्रदर्शने एकः कर्तव्यनिष्ठः पील् पुलिस-अधिकारी सम्मिलितः आसीत्।” सः अवदत् यत् अयं अधिकारी सामुदायिकसुरक्षा-पुलिस-अधिनियमस्य अन्तर्गतं निलम्बितः अस्ति।
ब्रैम्पटन-नगरस्य हिन्दु-मन्दिरस्य उपरि खालिस्तानी-जनानाम् आक्रमणस्य विरुद्धं ट्रुडोसर्वकारस्य प्रतिक्रिया
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
