राज्यस्तरीय संस्कृतसामान्यज्ञानप्रतियोगितायां आदित्यतिवारी प्रथम:

राज्यस्तरीय संस्कृतसामान्यज्ञानप्रतियोगितायां आदित्यतिवारी प्रथम:
उत्तरप्रदेश–संस्कृतसंस्थानलखनऊ–द्वारा आयोजितायां राज्यस्तरीयसंस्कृतसामान्यज्ञानप्रतियोगितायां श्रीरामजानकीमहाविद्यालयस्य गौरियापुरस्य उत्तममध्यमाकक्षायाः छात्र: आदित्यतिवारी राज्यस्तरे प्रथमं स्थानं प्राप्तवान्। आदित्यतिवारी क्रमशः जनपदस्तरे मंडलस्तरे च विजयी भूत्वा राज्ये प्रथमस्थानं प्राप्तवान्। संस्कृतप्रतियोगितेयं उत्तरप्रदेशस्य संस्कृतसंस्थानपरिसरे लखनऊनगरे समायोजिता आसीत् । यत्र सम्पूर्णराज्यात् मण्डलस्तरे विजयीभूताः प्रायः ५० संस्कृतछात्राः भागं गृहीतवन्तः । यस्मिन् सुयोग्यनिर्णायकमण्डलेन आदित्यतिवारी प्रथमविजेता घोषित:।
आदित्यतिवारी इत्यस्मै प्रथमपुरस्काररूपेण ११००० रुप्यकाणि, प्रशस्तिपत्रं, स्मृतिचिह्नञ्च प्रदत्तमस्ति।