Himsanskritnews Headlines: विद्यालयीय-छात्रेभ्य: प्रार्थनासभायां वक्तुं प्रमुखा: संस्कृतवार्ता:
राष्ट्रीयवार्ता:
- लोकसभा निर्वाचने राष्ट्रिय-लोकतान्त्रिक-सङ्घटनस्य बहुमतम् । द्वितीयस्थाने INDI सङ्घटनम्।
- दिल्ली-मध्यप्रदेश-छत्तीसगढ़-गुजरात-उत्तराखण्ड-हिमाचलप्रदेश-ओडिशा-प्रान्तेषु भाजपा एकपक्षीयं विजयं पञ्जीकृतवती।
- विजयी प्रमुखेषु प्रत्याशिषु प्रधानमंत्री नरेन्द्रमोदी, भाजपाया: वरिष्ठनेता अमितशाह:, शिवराजसिंह: चौहान:, नितिन: गडकरी, कांग्रेसस्य नेता राहुल: गांधी, समाजवादीपार्टी इत्यस्य नेता अखिलेश यादव: च सम्मिलित:।
- पराजितेषु भाजपानेतृ स्मृति ईरानी, राजीवचन्द्रशेखर:, अर्जुन: मुण्डा, राष्ट्रीयसम्मेलनस्य नेता उमर अब्दुल्ला, पी.डी.पी. नेतृ महबूबा मुफ्ती च सन्ति।
- भाजपा ओडिशायां बीजुजनतादलं सत्तातः निष्कासितवती। आन्ध्रप्रदेशविधानसभानिर्वाचने तेलुगुदेशमपक्षः विजयी अभवत् ।
- शेयर विपण्यां सर्वाधिकं पतनम्। सेन्सेक्स् चतुःसहस्रत्रिशतबिन्दुभिः पतितः, निफ्टी अपि एकसहस्राधिकत्रिशतबिन्दुभिः न्यूनः अभवत् ।
हिमाचलवार्ता:
- भारते सप्तचरणेषु सम्पन्नानां लोकसभानिर्वाचनानां निर्वाचनपरिणाम: गतदिवसे घोषित:। यस्मिन् हिमाचलस्य चतुर्षु लोकसभासनेषु भाजपदलेन विजयं प्राप्तम्। पूर्वमुख्यमन्त्री एवं नेताप्रतिपक्ष: जयरामठाकुरः उक्तवान् यत् नरेन्द्रमोदीवर्य: तृतीयवारं प्रधानमन्त्री भवति। सः अवदत् यत् हिमाचलप्रदेशः लोकसभायां ४ आसनानि दत्त्वा स्वप्रतिज्ञां पूर्णां कृतवान्। एतदर्थम् अहं मतदातृभ्यः कृतज्ञतां प्रकटयामि।
- राज्यस्य चतुर्षु आसनेषु आयोजितस्य लोकसभानिर्वाचनस्य परिणामः आगतः। राज्यस्य चत्वारि अपि आसनानि भाजपया विजितानि। हिमाचलप्रदेशे लोकसभानिर्वाचने भाजपया विजयस्य तृतीयं चक्रं निरन्तरं स्थापितम्। भाजपया चत्वारि अपि लोकसभासनानि स्वस्य पक्षे योजितानि सन्ति। २०१४, २०१९ च लोकसभानिर्वाचनेषु अपि भाजपा चतुर्षु लोकसभासनेषु विजयं प्राप्तवती आसीत्। शिमलासंसदीयनिर्वाचनक्षेत्रात् भाजपाप्रत्याशी सुरेशकश्यप: कांग्रेसस्य विनोदसुल्तानपुरीं ९१४५१ मतै: पराजितवान्।
- भाजपापक्षस्य अनुरागठाकुरः राज्यस्य हमीरपुर- लोकसभासनात् निर्वाचने विजयं प्राप्तवान्। पूर्वमुख्यमन्त्री प्रेमकुमारधूमलस्य पुत्रस्य अनुरागठाकुरस्य हमीरपुरस्य लोकसभानिर्वाचने एषा पञ्चम: विजयः अस्ति। अनुरागठाकुर: 607068 मतानि प्राप्नोत्। यद्यपि काँग्रेसस्य सतपाल रायजादा 424711 मतानि प्राप्नोत्। एवं प्रकारेण अनुरागः प्रायः 182357 मतैः विजयं प्राप्तवान्।
- लोकसभानिर्वाचने देशे सर्वत्र चर्चिते आसने मण्डीसंसदीयक्षेत्रे भाजपाप्रत्याशी बालीवुडराज्ञी कङ्गना रणौत विजयं प्राप्तवती अस्ति। कङ्गना मण्डीं जित्वा, काङ्ग्रेसस्य प्रत्याशी विक्रमादित्यसिंहं तु पराजयस्य सम्मुखीकरणं कर्तुं बाध्या अभवत्। मण्डीसंसदीय- निर्वाचनक्षेत्रात् १० अभ्यर्थिनः निर्वाचनं कृतवन्तः आसन्। देशे सर्वत्र मण्डीपीठे सर्वेषां दृष्टिः आसीत्। मण्डी- संसदीयविषये मुख्यप्रतिस्पर्धा कङ्गना- विक्रमादित्यसिंहयोः मध्ये आसीत्। कङ्गना आहत्य ५३७०२२ मतानि प्राप्तवती। यद्यपि विक्रमादित्य सिंह: ४६२२६७ मतानि प्राप्तवान्। एवं कङ्गना ७४७५५ मतैः विजयी अभवत् ।
- २०२४ तमे वर्षे लोकसभानिर्वाचने काङ्गड़ातः भाजपायाः डा. राजीव भारद्वाजः हिमाचले विशालं विजयं प्राप्तवान्। अस्मिन् निर्वाचने भाजपया ब्राह्मणमुखं राजीवभारद्वाज: प्रत्याशी घोषित: आसीत्। राजीव भारद्वाजः काङ्ग्रेसस्य आनन्दशर्माणं २,५१,८९५ मतैः पराजितवान्। भारद्वाजः ६,३२,७९३ मतानि प्राप्तवान्। यत्र आनन्दशर्मा ३,८०,८९८ मतानि प्राप्तवान्।
- हिमाचलविधानसभाया: षडासनानां कृते उपनिर्वाचनस्य परिणाम: घोषित: अस्ति। निर्वाचनविभागस्य प्रवक्ता अत्र सूचितवान् यत् षट् विधानसभाक्षेत्रेषु उपनिर्वाचनेषु भारतीयराष्ट्रीयकाङ्ग्रेसस्य (काङ्ग्रेसस्य) चत्वार: भारतीयजनतापक्षस्य च द्वौ प्रत्याशिनौ निर्वाचने विजयं प्राप्तवन्तः।
