HP Politics : निर्दलीयविधायकानां त्यागपत्रेषु काङ्ग्रेसदलेन अन्वेषणस्य आग्रहं कृतम्, विधानसभाध्यक्षस्य निर्दलीयविधायकेभ्य: सूचनापत्रम्
हिमसंस्कृतवार्ता- शिमला।
मन्त्रिभि: काङ्ग्रेसविधायकै: च त्रयाणां निर्दलीयविधायकानाम् उपालम्भं कृत्वा विधानसभासभाध्यक्षात् तेषां त्यागपत्रस्य कारणानाम् अन्वेषणं कर्तुम् आग्रहं कृतम्। विधानसभाध्यक्षस्य कुलदीपसिंहपठानिया इत्यस्य पक्षतः एतस्य संज्ञानं स्वीकृत्य विधानसभासचिवालयेन के. एल. ठाकुर:, होशियारसिंह:, आशीषशर्मा इति त्रयाणां स्वतन्त्रविधायकानां कृते सूचनापत्रं निर्गतमस्ति तेभ्य: उत्तरं च १० अप्रैलपर्यन्तं याचितम् अस्ति। उपालम्भे तेषां विरुद्धं आरोपाः सन्ति यत् ते त्यागपत्रं दातुं चक्रविमानेन आनीता:, तै: सह भाजपा-वरिष्ठनेतारः उपस्थिताः आसन्। सः आरोपितवान् यत् जनसमूहः पञ्चवर्षेभ्यः तान् निर्वाचितवान्। भाजपायाः प्रभावेन ते त्यागपत्रम् अयच्छतन्। राज्यसभानिर्वाचने भाजपायाः पक्षे मतदानं कृतवन्तः हमीरपुरतः आशीषशर्मा, देहरातः होशियारसिंहः, नालागढतः केएलठाकुरः इति त्रयः निर्दलीयविधायकाः शुक्रवासरे विधायकपदात् त्यागपत्रं दत्तवन्तः आसन्। मन्त्रिणः काङ्ग्रेसविधायकाः च आरोपयन्ति यत् शुक्रवासरे नूतनदिल्लीतः चक्रविमानेन शिमलानगरं प्राप्य त्रयः अपि विधानसभासचिवाय त्यागपत्रं प्रदत्तवन्तः।
तदनन्तरं एते स्वतन्त्राः विधायकाः राज्यपालं मिलित्वा विधानसभासभापतिं प्रति त्यागपत्रम् अपि प्रदत्तवन्तः। तस्मिन् काले विपक्षनेता जयरामठाकुर इत्यादयः भाजपानेतारः अपि तै: सह आसन्। त्रयोऽपि स्वतन्त्रविधायका: जयरामठाकुरेन सह पुनः दिल्लीं गतवन्तः। एष: उपालम्भ: विधानसभा सभापतिं प्रति मन्त्रिणः जगतसिंहनेगी, रोहितठाकुर:, अनिरुद्धसिंह:, विक्रमादित्यसिंह:, मुख्यसंसदीयसचिवः संजय: अवस्थी, विधायकः संजयरतन इत्यादयः विधायकाः अददन्।
मुख्यसंसदीयसचिवः संजय अवस्थी अवदत् यत् निर्दलीयानां त्यागपत्रात् पूर्वं चक्रविमानेन शिमलानगरम् आनयनेन भाजपादलस्य वरिष्ठनेतृभिः सह भवितुं च तेषां राजनैतिकप्रभावेन त्यागपत्रप्रदानस्य पुष्टिः भवति। प्रकरणस्य गम्भीरताम् अवलोक्य उपालम्भे अन्वेषणस्य आग्रहः कृतः। तस्मिन् एव काले विधानसभासचिवः यशपालशर्मा उपालम्भे १० अप्रैलपर्यन्तं स्थितिं स्पष्टीकर्तुं च आह।
