Himachal News : जयरामठाकुरः – केवलं निर्वाचनसमये एव ‘महिला सम्माननिधिं’ स्मरति काङ्ग्रेसदलम्
हिमसंस्कृतवार्ता- शिमला।
विपक्षस्य नेता जयरामठाकुरः उक्तवान् यत् काङ्ग्रेससर्वकारः महिलानां वञ्चनं करोति। यथा विधानसभानिर्वाचने राज्यस्य मातृभगिनीभ्यः महिलासम्माननिधिनाम्ना प्रपत्राणि पूरयितुं प्रार्थिताः, तथैव अस्मिन् समये अपि लोकसभानिर्वाचने काङ्ग्रेससर्वकारः पुनः महिलाभ्यः सम्माननिधिनाम्ना प्रपत्राणि पूरयितुं प्रेरयति। काङ्ग्रेससर्वकारः सम्पूर्णतया उदघाटितः अस्ति, अधुना राज्यस्य जनाः तस्य जाले न पतन्ति। लोकसभानिर्वाचने काङ्ग्रेसस्य कार्याणां राज्यस्य जनाः समुचितं उत्तरं दास्यन्ति। सः अवदत् यत् विधानसभानिर्वाचनसमये काङ्ग्रेसेन पूरितानां महिलासम्माननिधिप्रपत्राणां किं जातम्, निर्वाचनसमये एव काङ्ग्रेसः महिलासम्माननिधिं किमर्थं स्मरणं करोति इति मुख्यमन्त्रिणा वक्तव्यः।
विपक्षनेता उक्तवान् यत् महिलासम्माननिधे: नियमाः न स्पष्टाः सन्ति, न च कापि अधिसूचना निर्गता। अत्यन्तम् आश्चर्यं यत् सप्ताहद्वयं पूर्वं पारिते आयव्ययके अपि अस्याः योजनायाः उल्लेखः नास्ति। एतादृशे सति प्रश्नः उद्भवति यत् सर्वकारः एतां योजनां कथं आरभेत्, के जनाः अस्याः योजनायाः योग्याः भविष्यन्ति इति। सः अवदत् यत् राज्ये प्रायः २२ लक्षं महिलाः सन्ति येषां आयुः १८तः ६० वर्षाणां मध्ये अस्ति, ते काङ्ग्रेसस्य प्रतिज्ञानुसारं योग्याः सन्ति। सर्वैः काङ्ग्रेसनेतृभिः अपि स्पष्टतया उक्तं यत् राज्यस्य १८-६० वर्षाणां मध्ये सर्वाभ्यः महिलाभ्यः महिलासम्माननिधिः कमपि नियमं विना दीयते इति। परन्तु मुख्यमन्त्रिणा अद्यतनीया घोषणा स्वयमेव विरोधाभासपूर्णम् अस्ति। सः कथयति यत् ५ लक्षं महिलाः एतां राशिं प्राप्स्यन्ति यस्मिन् ८०० कोटिरूप्यकाणि व्ययितानि भविष्यन्ति। यत्र प्रतिज्ञानुसारं अस्यां योजनायां ४ सहस्रकोटिरूप्यकाधिकं व्ययः भविष्यति। न राज्यस्य जनाः न च तत् कार्यान्विताः अधिकारिणः सर्वकारस्य एतां घोषणां अवगन्तुं समर्थाः सन्ति।
जयरामठाकुरः अवदत् यत् काङ्ग्रेसस्य अस्याः निर्वाचनप्रतिश्रुतेन अद्यावधि एका अपि महिला एतत् मानदं न प्राप्तवती, परन्तु राज्यस्य प्रत्येकस्मिन् प्रमुखे स्थाने अस्याः योजनायाः फलकानि दृश्यन्ते। सः अवदत् यत् अस्याः योजनायाः अन्तर्गतं मातृभगिनीभ्यः योजनायाः लाभं दातुं स्थाने सर्वकारः केवलम् अस्याः योजनायाः प्रचारार्थं धनं व्यययति। मिथ्यायोजनानां प्रचारस्य स्थाने सर्वकारः जनकल्याणकार्येषु धनं व्यययति चेत् श्रेयस्करं भविष्यति इति विपक्षनेता अवदत्। सः अवदत् यत् अस्मिन् समये हिमाचलस्य जनाः सर्वकारस्य कस्यापि असत्यस्य, वञ्चनस्य वा मोहे न भविष्यन्ति। काङ्ग्रेसेन मृषावादेन सत्ता प्राप्ता इति प्रत्येकः हिमाचली जानाति, केवलं मृषावादेन एव सत्तायां स्थातुम् इच्छति। अतः अस्मिन् समये राज्यस्य जनाः काङ्ग्रेसस्य सर्वेषां असत्यस्य सम्यक् उत्तरं दातुं गच्छन्ति। लोकसभायां भाजपा प्रत्येकं मतदानकेन्द्रत: अग्रतां दत्त्वा चतुर्णां भाजपा प्रत्याशीनां विजयी करिष्यति।
