अल्पसंख्यक: अधिकारदिवस:

अल्पसंख्यक: अधिकारदिवसः
डॉ नरेन्द्रराणा सिरमौर: ।
भारते अल्पसंख्यकाधिकारदिवसः अल्पसंख्यकसमुदायानाम् अधिकारानां रक्षणार्थं प्रतिवर्षं दिसम्बरमासस्य अष्टादशदिनाङ्के आचर्यते। अवधेयं वर्त्तते यत् प्रत्येकस्मिन् राष्ट्रे भिन्नाः जातीयभाषिकधार्मिका: अल्पसंख्याकाः समूहाः सन्ति । भारतस्य संविधानेन सर्वेषां नागरिकानां कृते समानाधिकारः प्रदत्तः अस्ति तथा च भाषावैज्ञानिक-जातीय-सांस्कृतिक-धार्मिक-अल्पसंख्याकानां अधिकाराणां रक्षणार्थं अनेकाः उपायाः स्वीकृताः । अपि च, अनुसूचितजनजातीनां अनुसूचितजातीनां च जनानां सहितं तेषां जाति-संस्कृतेः, समुदायस्य च अपेक्षां विना आर्थिकरूपेण सामाजिकरूपेण वा वंचिताः जनाः सन्ति । अत: अयं दिवसः अल्पसंख्यकसम्बद्धानां विषयाणां तेषां सुरक्षायाश्च विषये जनान् प्रेरयितुं शिक्षितुं च केन्द्रितः अस्ति ।