मुख्यमन्त्री सुक्खू-महोदयः अवदत् — राष्ट्रगानस्य अपमानं कृत्वा भाजपा-विधायकैः कृतः अपराधः
हिमसंस्कृतवार्ता — शिमला।
मुख्यमन्त्री सुखविन्दरसिंहसुक्खू-महोदयः शुक्रवासरे विधानसभा-परिसरे राष्ट्रगानम् अधिकृत्य भारतीय-जनता-पक्षस्य (भाजपा) विधायकानाम् उपरि तीक्ष्णं प्रहारम् अकरोत्। तेन प्रोक्तं यत् विधानसभाध्यक्षस्य पक्षतः राष्ट्रगानाय सदने सर्वेभ्यः उत्थातुं निवेदितम् आसीत्, किन्तु भाजपा-विधायकाः राष्ट्रगानस्य प्रारम्भात् पूर्वमेव राष्ट्रगीत-विषये पृच्छन्तः आसन्। मुख्यमन्त्रिणा उक्तं यत् विधानसभाध्यक्षेण पूर्वमेव स्पष्टीकृतम् आसीत् यत् सदने पूर्वम् अपि राष्ट्रगानं गीयते स्म। राष्ट्रगानं देशस्य गरिम्णा सम्मानेन च सम्बद्धः विषयः अस्ति, अस्य च अपमानं कस्यामपि स्थितौ न सोढव्यम्।
मुख्यमन्त्रिणा प्रोक्तं यत् स्वातन्त्र्यानन्तरं ७७-७८ वर्षेभ्यः राष्ट्रगानं गीयते। अधुना भाजपा-विधायकाः अस्य विरोधं कुर्वन्ति। प्रधानमन्त्री नरेन्द्रमोदी अपि स्वयं राष्ट्रगानं गायति। विद्यालयेषु अपि राष्ट्रगानं गीयते, सदने च राष्ट्रगीतं पूर्ण-सम्मानेन गीयते। एवं सति राष्ट्रगानमधिकृत्य विवादस्य सङ्गमः दुर्भाग्यपूर्णः अस्ति। हिमाचलस्य जनता काङ्ग्रेस-दलञ्च राष्ट्रगानस्य अस्य तथाकथित-अपमानस्य विरोधे स्तः। अयम् विषयः प्रदेशस्य जनतायाः सम्मुखं नेष्यते। राष्ट्रगानस्य राष्ट्रगीतस्य च उभयोः स्वकीयं स्थानं सम्मानं च वर्तते। सदने उभौ पूर्ण-गरिम्णा गीयते, अत्र च कस्यापि प्रकारस्य राजनीतिः न भवेत्। सदने सर्वेषां राजनैतिक-दलानां स्व-मतानि विचाराश्च भवितुं शक्नुवन्ति, किन्तु राष्ट्रेण राष्ट्रिय-प्रतीकैश्च सम्बद्धेषु विषयेषु मर्यादायाः पालनं कर्तव्यम्।
शोक-प्रस्तावे संवेदनहीनतायाः आरोपः
धन-सङ्ग्रह-स्तेयम् (चन्दा चोरी), प्रवेश-परीक्षा-प्रश्नपत्र-प्रकटनं (NEET Paper Leak), भ्रष्टाचारं च उल्लिखन् सः अवदत् यत् एतेषु विषयेषु चर्चा भवितव्या। मुख्यमन्त्रिणा विधानसभायाः भूतपूर्व-विधायकानां दिवङ्गते सति शोक-संवेदनायाः अप्रकटनम् अधिकृत्य अपि भाजपा-दलस्य उपरि लक्ष्यं साधितम्। तेन प्रोक्तं यत् पूर्व-विधायकानां निधने सदने शोकः प्रकटीकरणीयः आसीत्, किन्तु भाजपा-दलेन अस्यापि ध्यानं न रक्षितं संवेदनहीनता च प्रदर्शिता। विधानसभायां राजनीतेः स्तरः कियत् पर्यन्तम् अधः प्राप्तः, एतत् समग्र-घटनाक्रमेण स्पष्टं भवति।
अग्रे मुख्यमन्त्री पृष्ठतः च विधायकाः अकुर्वन् भाजप-विरुद्धम् उद्घोषणम्
मुख्यमन्त्रिणः सुखविन्दरसिंहसुक्खू-महोदयस्य अध्यक्षतायां काङ्ग्रेस-विधायक-दलेन विधानसभा-परिसरस्य बहिः भाजपा-पक्षस्य विरुद्धं तीव्राः उद्घोषाः कृताः। मुख्यमन्त्री स्वयं पुरोभूय उद्घोषणम् अकरोत्। तेन सह पृष्ठतः मन्त्रिणः काङ्ग्रेस-विधायकाश्च अपि भाजपा-विरुद्धम् उद्घोषणं कृतवन्तः। अपरपक्षे भाजपा-विधायकैः अपि उद्घोषाः कृताः।
