आपदाश्रयस्य १५०० कोटिरूप्यकाणां कृते प्रधानमन्त्रिणं प्रति पत्रम्, मुख्यमन्त्री अवदत्—आवश्यकता भवति चेत् पुनरपि स्मारकपत्रं प्रेषयिष्यते
हिमसंस्कृतवार्ता: – शिमला।
प्राकृतिकापद: आश्रय-रूपेण प्रधानमन्त्री नरेन्द्रमोदिना घोषितस्य १५०० कोटिरूप्यकाणां संकुलस्य विषये मुख्यमन्त्रिणा प्रधानमन्त्रिणं प्रति पत्रं लिखितम् अस्ति। सः माध्यमप्रतिनिधिभिः सह वार्तालापे उक्तवान् यत् केन्द्रसर्वकाराय पत्रं प्रेषितम् अस्ति तथा आवश्यकता भवति चेत् पुनरपि स्मारकपत्रं प्रेषयिष्यते। अद्यावधि एषा आश्रय-राशिः राज्येन न प्राप्तम्।
सः भाजपानेतॄन् लक्ष्यीकृत्य उक्तवान् यत् राज्यहितस्य विषयं स्थापयितुं भाजपाजनाः परवाणूतः अधः अपि गच्छेयुः। एतादृशी का वार्ता अस्ति यत् ते अधः गन्तुं भीयन्ते? भाजपायाः विधायकाः हिमाचलस्य अधिकाराणां कृते वार्तां न कुर्वन्ति।
मुख्यमन्त्री उक्तवान् यत् वर्ष १९५२ तः हिमाचलाय आर.डी.जी. प्राप्ता भवति। अधुना सा निरुद्धा अस्ति। अस्य विषयस्य विषये अपि भाजपा राजनीतिं करोति।
सांसदानां रिपोर्ट-कार्डस्य विषये मुख्यमन्त्री उक्तवान् यत् भाजपानेतारः सामाजिकमाध्यमेषु सम्पूर्णं व्ययं कुर्वन्ति। सामाजिकमाध्यमेषु केवलम् एतदेव दर्शयितुं शेषितम् अस्ति यत् ते एव सर्वं कार्यं कुर्वन्ति, प्रदेशसर्वकारः तु किमपि न करोति। सामाजिकमाध्यमेषु सर्वकारस्य विरुद्धं सामग्रीं प्रसारितुं दीपकमले प्रायः ५० जनाः उपविशन्ति, ये तेषां विरुद्धं कञ्चित् न कञ्चित् अभिलेखं निष्कास्य सामाजिकमाध्यमेषु प्रसारयन्ति।
मुख्यमन्त्री उक्तवान् यत् एडीआर-संस्थायाः पुरातनप्रतिवेदनस्य आधारेण अपि सामाजिकमाध्यमेषु आरोपाः क्रियन्ते। सः उक्तवान् यत् प्रायः २० वर्षपूर्वं यस्य सम्पत्तेः मूल्यं १४ लक्षरूप्यकाणि आसीत्, तस्याः मूल्यं अधुना २ कोटिरूप्यकाणि जातम्। सः आरोपितवान् यत् एतादृशस्य पुरातनप्रतिवेदनस्य आधारेण सामाजिकमाध्यमेषु विषयाः प्रदर्श्यन्ते।
मुख्यमन्त्री भाजपायाः स्वकीयभ्रष्टाचारं गोपयितुं सर्वकारस्य उपरि आरोपान् कर्तुम् आरोपितवान्। सः उक्तवान् यत् सर्वकारः शीघ्रमेव तथ्यानि सहितं श्वेतपत्रं (White Paper) आनयिष्यति। मुख्यमन्त्री एतदपि उक्तवान् यत् भाजपायाः आरोपपत्रसमित्यां तादृशाः जनाः सम्मिलिताः सन्ति, येषाम् उपरि भाजपा स्वयमेव वर्ष २०१७ तमे भ्रष्टाचारस्य आरोपान् अकरोत्। सः उक्तवान् यत् सर्वकारः श्वेतपत्रस्य माध्यमेन तथ्यानि सहितं सम्पूर्णां स्थितिं जनसमक्षं स्थापयिष्यति।
भाजपायाः प्रदेशाध्यक्षस्य डॉ. राजीवबिन्दलस्य प्रश्नपत्र-प्रकटन-प्रकरणसम्बद्धेषु आरोपेषु मुख्यमन्त्री उक्तवान् यत् वर्तमानसर्वकारस्य कार्यकाले अनेकाः नियुक्तयः अभवन्। सर्वकारः अस्य सम्पूर्णं प्रतिवेदनं दास्यति यत् कति नियुक्तयः अभवन्। प्रतिदिनं युनः सेवायां सम्मिलन्ति। जेबीटी, व्याख्यातृ, सहायक-परिचारिका तथा सीबीएसई-शिक्षकाणां सहितं अनेकानां पदानां परिणामाः घोषिताः सन्ति।
हिमाचले शीघ्रं भविष्यति मन्त्रिमण्डलस्य विस्तारः
मन्त्रिमण्डल-विस्तारस्य विषये मुख्यमन्त्री उक्तवान् यत् अस्मिन् विषये प्रथमस्तरीया चर्चा पूर्वमेव अभवत्। अधुना द्वितीयस्तरीया वार्ता भविष्यति, तदनन्तरं मन्त्रिमण्डलस्य विस्तारः करिष्यते।
आईएएस, आईपीएस तथा आईएफएस संवर्गस्य संख्यां न्यूनीकर्तुं गृहीते निर्णयस्य विषये मुख्यमन्त्रिणा पुनः प्रतिक्रिया प्रदत्ता। सः उक्तवान् यत् हिमाचलाय आवश्यकतायाः अपेक्षया अधिकानाम् अधिकारिणां आवश्यकता नास्ति। प्रदेशे एकस्यां सीमायामेव अधिकारिणः भवितव्याः। सीमातः अधिका अधिकारिणां संख्या प्रदेशस्य उपरि आर्थिकभारं वर्धयति। अतः एव सः आईएएस, आईपीएस तथा आईएफएस संवर्गस्य संख्या न्यूनीकर्तुं उक्तवान्।
कदापि न अभवत् दशदिनात्मकं मानसून-सत्रम्
मानसून-सत्रस्य विषये मुख्यमन्त्री उक्तवान् यत् पूर्वमुख्यमन्त्रिणः जयरामठाकुरस्य समये कदापि दशदिनात्मकं विधानसभासत्रं नाभवत्। काङ्ग्रेस-सर्वकारेण दशदिनात्मकं सत्रं निर्धारितम् अस्ति। यदि विपक्षः सत्रस्य अधिकविस्तारस्य आग्रहं करोति तर्हि सर्वकारः तदर्थमपि सज्जः अस्ति।
सः उक्तवान् यत् सदने विषयेषु चर्चा भवितव्या। मुख्यमन्त्री उक्तवान् यत् विपक्षः सदनम् आगत्य घोषणां करोति चेत् तत् तस्य लोकतान्त्रिकः अधिकारः अस्ति, किन्तु विषयेषु चर्चा कुर्यात्। सर्वकारः प्रत्येकस्य विषयस्य उत्तरं दातुं सज्जः अस्ति। विषयं इतस्ततः नीत्वा किमपि न भविष्यति। विपक्षः विषयान् आनयतु, सर्वकारः तैः सह चर्चां कर्तुं सज्जः अस्ति।
