होर्मुज-स्ट्रेट (Strait of Hormuz) क्षेत्रे प्राणांस्त्यक्तवतः आदित्यशर्मणः परिजनैः मुख्यमंत्रिणा सह मेलनम्, न्यायस्य याचना कृता
हिमसंस्कृतवार्ता: — हमीरपुरम्।
मुख्यमन्त्रिणा सुखविन्दरसिंहसुक्खू: महोदयेन सह हमीरपुरमण्डलस्य गलोड़क्षेत्रस्य राजेशशर्मणा मेलनं कृतम्। ‘स्ट्रेट ऑफ होर्मुज़’ क्षेत्रे विगतेषु दिनेषु स्वप्राणांस्त्यक्तवतः आदित्यशर्मणः पित्रा राजेशशर्मणा मुख्यमन्त्री आग्रहितः यत् आदित्यशर्मणः असामयिक-मृत्योः प्रकरणं केन्द्रसर्वकारस्य समक्षम् उपस्थापनीयं, यतो हि अधुना यावत् अस्मिन् प्रकरणे केन्द्रसर्वकारस्य पक्षतः कापि कार्यविधि: न विहिता। मुख्यमन्त्रिणा शोकग्रस्ताय परिवाराय संवेदनाः प्रकटीकुर्वता प्रतिपादितं यत् राज्यसर्वकारः दृढतया परिवारेण सह तिष्ठति। तेन आश्वासितं यत् सः एतद् प्रकरणं केन्द्रसर्वकारस्य समक्षम् उथापयिष्यति येन परिवाराय न्यायः प्राप्तुं शक्येत्। मुख्यमन्त्रिणा दिवंगत-आत्मनः शान्तये प्रार्थना कृता। अस्मिन् कारुणिके अवसरे आदित्यशर्मणः माता सुषमा शर्मा अपि उपस्थिता आसीत्।
