HPSEBL e-KYC – २३ लक्षोपभोक्तृणां ई-केवाईसी, १८ लक्षजनेभ्यः द्वि-विद्युन्मानके साहाय्यकधनस्य लाभः
विद्युन्मण्डले द्वयोः मानकयोः साहाय्यकधनप्रदानस्य निर्णयात् परं प्रचलति ई-केवाईसी-प्रक्रिया
हिमसंस्कृतवार्ता: — शिमला।
द्वयोः विद्युन्मानकयोः (बिजली मीटर) उपरि साहाय्यकधनं (सब्सिडी) प्रदातुं सर्वकारस्य निर्णयात् परं सम्पूर्णे राज्ये ई-केवाईसी-प्रक्रिया वेगेन प्रचलति। राज्ये २३ लक्षाद् अधिकानाम् उपभोक्तृणां ई-केवाईसी-कार्यं पूर्णं जातम्। अस्मिन् १८ लक्षाद् अधिकेभ्यः जनेभ्यः द्वयोः विद्युन्मानकयोः साहाय्यकधनस्य लाभः विद्युन्मण्डलेन (बिजली बोर्ड) प्रदत्तः अस्ति। यद्यपि ई-केवाईसी-प्रक्रियायां काश्चन त्रुटयः अपि सम्मुखम् आगताः, यासां निवारणाय विद्युन्मण्डलप्रबन्धनेन प्रभावीनि कर्माणि क्रियन्ते। उल्लेखनीयं वर्तते यत् राज्यसर्वकारेण अस्मिन्नेव वर्षे राज्ये एकस्मै उपभोक्त्रे द्वयोः मानकयोः १२५-१२५ यूनिट् यावत् निःशुल्कविद्युत् प्रदातुं निर्णयः स्वीकृतः। एतस्मात् परं विद्युन्मण्डलेन प्रदेशे द्वयोः विद्युन्मानकयोः एतया सुविधया सह योजयितुं ई-केवाईसी-प्रक्रिया आरब्धा। राज्यविद्युन्मण्डलात् प्राप्त-विवरणानुसारं जूनमासस्य अन्तिमं यावत् प्रदेशे २४,८३,१९३ सक्रियाः घरेलु-विद्युद्-उपभोक्तारः सन्ति। एतेषु २३,७९,५२४ उपभोक्तृभिः स्वकीयम् ई-केवाईसी-कार्यं पूर्णं विहितम्। जूनमासस्य विवरणानुसारं राज्ये विभिन्नश्रेणीनां आहत्य २९,६९,०७२ विद्युद्-उपभोक्तारः सन्ति, येषु घरेलुश्रेण्याः उपभोक्तृणां सङ्ख्या २४.८३ लक्षं दर्ज अस्ति। विभागेन एतेषाम् उपभोक्तृणां चरणबद्धरूपेण ई-केवाईसी कारितं, येन उपभोक्तृणां शुद्धं परिचयं सुनिश्चितं भवेत् साहाय्यकधनस्य लाभः च केवलं वास्तविक-लाभान्वितेभ्यः एव प्राप्नुयात्।
ई-केवाईसी-प्रक्रियायाः परं साहाय्यकधनग्रहीतृणां सङ्ख्यायां न्यूनता
अपरपक्षे ई-केवाईसी-व्यवस्थायाः निर्माणात् परं साहाय्यकधनं प्राप्नुवताम् उपभोक्तृणां सङ्ख्यायां न्यूनता अङ्किता अस्ति। जून २०२६ तमे वर्षे १८,०६,८२२ घरेलु-उपभोक्तृभ्यः विद्युत्-साहाय्यकधनं प्रदत्तम्, यत्रैव ई-केवाईसी-अनिवार्यत्वात् पूर्वम् एषा सङ्ख्या अधिका आसीत्। जनवरी २०२६ तमे वर्षे २२,५९,४९८ उपभोक्तृभ्यः, फरवरीमासे २२,८०,००२ उपभोक्तृभ्यः तथा च मार्चमासे २३,९४,८१६ उपभोक्तृभ्यः विद्युत्-साहाय्यकधनं दत्तम् आसीत्। मण्डलस्य मान्यता अस्ति यत् ई-केवाईसी-प्रणाल्याः प्रयोगात् साहाय्यकधनवितरणव्यवस्था भूयः पारदर्शिनी संजाता।
यद्यपि प्रदेशस्य विभिन्नेभ्यः भागेभ्यः ई-केवाईसी-प्रक्रियायां त्रुटीनां वार्ता अपि सम्मुखम् आगता आसीत्। अस्य अन्तर्गतं कस्यचित् एकस्य उपभोक्ता-आईडी (ID) मध्ये बहूनि नामानि सङ्योजितानि दृष्टानि। कतिपयेषु प्रकरणेषु एकस्य एव उपभोक्तुः नाम्नि भिन्नानि खाद्यान्नपत्रकाणि (राशनकार्ड) अपि पञ्जीकृतानि प्राप्तानि। अस्मिन् विद्युन्मण्डलप्रबन्धनेन कठोरं सञ्ज्ञानं (गम्भीरता) स्वीकुर्वता एतासां त्रुटीनां दूरीकरणाय दिशानिर्देशाः पूर्वमेव प्रसारिताः। सम्प्रति मण्डलप्रबन्धनस्य कथनमस्ति यत् ई-केवाईसी-प्रक्रियायां प्राप्तानां त्रुटीनां परिष्कार: विधीयते। एतस्याः प्रक्रियायाः पूर्णात् परं साहाय्यकधनवितरणव्यवस्था भूयः पारदर्शिनी प्रभावशालिनी च भविष्यति इति आशा वर्तते।
