ऑक्सफोर्ड-विश्वविद्यालयस्य बोडलेयन-पुस्तकालयेन शिक्षापत्र्याः द्विशततम-वर्षगांठ-अवसरे संपूर्ण-ब्रिटेन-देशे प्रदर्शनी-यात्रायाः आयोजनम्

ऑक्सफोर्ड-विश्वविद्यालयस्य बोडलेयन-पुस्तकालयेन शिक्षापत्र्याः द्विशततम-वर्षगांठ-अवसरे संपूर्ण-ब्रिटेन-देशे प्रदर्शनी-यात्रायाः आयोजनम्।
हिमसंस्कृतवार्ता। ऑक्सफोर्ड-विश्वविद्यालयस्य बोडलेयन-पुस्तकालय-शृङ्खलया शिक्षापत्र्याः द्विशततम-वर्षगांठ-अवसरे सम्पूर्णे ब्रिटेन-देशे एका प्रदर्शनी-यात्रा प्रारब्धा। शिक्षापत्री इति हिन्दूधर्मस्य अतीव महत्त्वपूर्णा दुर्लभा च पाण्डुलिपिः अस्ति। ‘शिक्षापत्री’ इत्यस्य अर्थः ‘शिक्षाणाम् सङ्ग्रहः’ इति, या १८२६ तमे वर्षे गुजरातस्य वाडताल-नगरे सहजानन्द-स्वामिना रचिता आसीत्। अस्याः यात्रायाः आयोजनं स्वामीनारायण-सम्प्रदायस्य प्रमुखैः सह मिलित्वा कृतम् अस्ति, यत्र मुख्यमन्दिरेषु अस्याः प्रदर्शनं भविष्यति। अनेन सहस्रशः भक्ताः अस्याः पवित्र-शिक्षापत्र्याः दर्शनस्य अवसरं प्राप्स्यन्ति। अस्यां शिक्षापत्र्यां नैतिक-जीवनस्य आध्यात्मिक-निर्देशानां च उपरि बलं दत्तम् अस्ति। कथ्यते यत् शुक्लपक्षस्य पञ्चम्यां तिथौ इयं लिखिता। अस्मिन् द्वादशाधिक-द्विशतं (२१२) संस्कृत-श्लोकाः सन्ति, येषु हिन्दू-धर्मग्रन्थानां प्रमुखाः शिक्षाः समाहिताः सन्ति।