मेक्सिकोदेशे शनिवासरे सहस्रशः जेन् जेड् युवानः विरोधप्रदर्शनं कृतवन्तः

मेक्सिकोदेशे शनिवासरे सहस्रशः जेन् जेड् युवानः विरोधप्रदर्शनं कृतवन्तः
मेक्सिकोदेशे शनिवासरे सहस्रशः जेन् जेड् युवानः वर्धमानस्य अपराधस्य, भ्रष्टाचारस्य, हिंसायाः दण्डहीनतायाः, सार्वजनिकहत्यायाः, सुरक्षायाः अभावस्य च विरोधं कृतवन्तः। एषः क्रोधः एकस्य महापौरस्य सार्वजनिकहत्यायाः कारणेन अधिकं प्रवर्धितः । नवम्बर्-मासस्य प्रथमे दिनाङ्के मेक्सिकोदेशस्य पश्चिमे मिचोआकान्-राज्ये उरुआपान्-नगरस्य महापौरः कार्लोस् मञ्जो एकस्मिन् आयोजने गोलिकाभिः हतः । क्रुद्धाः जेन् जेड् युवानः राष्ट्रपतेः आधिकारिकनिवासस्थानस्य राष्ट्रियमहलस्य सुरक्षाभित्तिषु क्षतिः कृतवन्तः। आन्दोलनकारिणः शिलाभिः, मुद्गरैः, पटाखाभिः, यष्टिभिः, शृङ्खलैः च पुलिसैः आक्रमणं कृतवन्तः । विरोधान् निवारयितुं पुलिसैः अश्रुवायुः नियोजितः। राजधान्या: सुरक्षासचिवः पाब्लो वाज्केज् इत्यनेन उक्तं यत्, विरोधेषु १२० जनाः घातिताः, येषु १०० पुलिस-अधिकारिणः अपि सन्ति । विंशतिः जनाः गृहीताः । अस्मिन् वर्षे अनेकेषु देशेषु Gen Z युवानः असमानतायाः, लोकतन्त्रस्य क्षयस्य, भ्रष्टाचारस्य च विरोधं कर्तुं वीथिषु प्रविष्टाः सन्ति। नेपाले सामाजिकमाध्यमप्रतिबन्धस्य अनन्तरं सेप्टेम्बरमासे बृहत्विरोधाः प्रवृत्ताः,