मुम्बय्यां जियो-वर्ल्ड-कन्वेंशन-सेंटर इत्यत्र वेव्स् इति प्रथम-वैश्चिक-मनोरञ्जन-सम्मेलनस्य उद्घाटनम्

मुम्बय्यां जियो-वर्ल्ड-कन्वेंशन-सेंटर इत्यत्र वेव्स् इति प्रथम-वैश्चिक-मनोरञ्जन-सम्मेलनस्य उद्घाटनम्
हिमसंस्कृतवार्ता: – प्रधानमन्त्री नरेन्द्रमोदी अकथयत् यत् भारतं चलच्चित्र-निर्माणस्य, डिजिटल सामग्र्याः, गेमिंग-फैशिन इत्यनयोः, संगीतस्य, सजीवप्रसारणस्य च क्षेत्रे वैश्चिककेन्द्रस्य रूपेण विकसति । ध्यानास्पदं वर्तते यत् मुम्बय्यां जियो-वर्ल्ड-कन्वेंशन सेंटर इत्यत्र वेव्स् इति प्रथमं वैश्विक मनोरञ्जन-सम्मेलनं समुद्घाट्य प्रधानमन्त्रिणा मोदिना एतत् प्रोदीरितम् । तेन प्रोक्तं यत् वेव्स् इति शब्देन संस्कृति-रचनात्मकता सार्वभौमिक संपर्काणां तरङ्गः द्योतते । सः प्रोक्तवान् यत् अनेन वैश्चिक मंचेन कलाकाराणां रचनाकाराणां च विचाराः वृद्धिमधिगमिष्यन्ते। प्रधानमंत्री पुनः अकथयत् यत् वेव्स् वैश्चिक ध्यानं समाकर्षयति यतोऽहि शताधिकानां देशानां कलाकाराः, नवोन्मेषकाः, निवेशकाः, नीतिनिर्मातारश्च अस्मिन् सम्मेलने एकत्रीभूताः सन्ति । वेव्स् इत्यस्य प्रंशसा कुर्वता प्रधानमन्त्रिणा प्रोक्तं यत् अनेन नवोन्मेषकाः रचनाकाराः च प्रोत्साहिताः भविष्यन्ति । प्रधानमंत्री अकथयत् यत् वेव्स-शिखर सम्मेलनं वैश्चिक मञ्चे भारतस्य रचनात्मक शक्तीनां प्रदर्शनं करोति । तेन प्रतिपादितं यत् वर्तमानसमये, एनीमेशन इत्यस्य वैश्चिकापण-मूल्यं त्रिंशदधिक-चतुश्शतं बिलियन डॉलर-मिततोऽपि अधिकम् अस्ति, अपि च आगामि-दशके अस्य द्विगुणीभूतस्य अनुमानम् अस्ति। सः प्रोक्तवान् यत् अनेन भारतस्य एनीमेशन-ग्राफिक डिज़ाइन इत्यनयोः उद्योगाय एकः महत्वपूर्णः अवसरः प्रदास्यते । श्रीमोदी अकथयत् यत् देशः तृतीया बृहत्तमार्थव्यवस्था भवितुं सकारात्मकदिशि प्रयासं करोति, अपि च अस्य पार्श्वे विश्वस्य तृतीयं बृहत्तमं स्टार्टअप इति पारिस्थितिकतंत्रम् अस्ति । सः प्रोक्तवान् यत् विकसित-भारतं प्रति भारतस्य यात्रा अधुनैव समारब्धा अस्ति सहेव अर्बुदतोऽप्यधिकायाः जनसंख्यायाः देशः भारतम्, अर्बुदतोऽप्यधिकानां कथानां देशः अपि अस्ति। अस्मिन् अवसरे महाराष्ट्रस्य मुख्यमन्त्री देवेन्द्र फडणवीसः प्रख्यापितवान् यत् भारतं सञ्चारमाध्यमक्षेत्रे मनोरञ्जनक्षेत्रे च विश्वस्य नेतृत्वं विधातुं सज्जमस्ति। तेनोदीरितं यत् मनोरञ्जनार्थव्यवस्था भारतमहाराष्ट्रयोः कृते नूतनविकासस्य आधारभूतास्ति।