Himsanskritnews Headlines : विद्यालयीय-छात्रेभ्य: प्रार्थनासभायां वक्तुं प्रमुखा: संस्कृतवार्ता:
राष्ट्रीयवार्ता:
- प्रधानमंत्री नरेन्द्रमोदी प्रख्यातविचारकाय शिक्षाविदाय डॉ. श्यामाप्रसादमुखर्जी इत्यस्मै हुताम्ने दिवसे श्रद्धाजञ्जिं दत्तवान। सामाजिकमाध्यमे सन्देशे मोदीमहोदयः अवदत् यत् डॉ मुखर्जी भारतमातुः सेवायै स्वजीवनं समर्पितवान्। डॉ. मुखर्जी इत्यस्य ऊर्जावानं व्यक्तित्वं देशस्य प्रत्येकां सन्तन्तिं प्रेरयिष्यति इति अपि सः अवदत्।
- केन्द्रीय- कौशलविकास- उद्यममन्त्री जयन्तचौधरी जर्मनभाषाप्रशिक्षणस्य बी-१ स्तरं सफलतया सम्पन्नं कृतान् ३२ स्वास्थ्यसेवाव्यावसायिकान् अभिनन्दितवान्। गतदिने नवदिल्लीनगरे आयोजिते कार्यक्रमे वदन् चौधरीमहोदयः अवदत् यत् भारतस्य जनसंख्या विशाला अस्ति, येन २०४७ तमे वर्षे देशस्य विकसितार्थव्यवस्थायां परिवर्तनस्य मार्गः प्रशस्तः भवति।
- कारगिलयुद्धस्य नायकानां श्रद्धांजलिरूपेण भारतीयसेना लद्दाखनगरे खालुबारयुद्धस्मारकं पर्यटकानां कृते उद्घाटितवती। अस्मिन् वर्षे जुलाईमासस्य २६ दिनाङ्के कारगिलविजयदिवसस्य २५ वर्षाणि देशः आचरितुं गच्छति तथा च एषः उद्घाटनसमारोहः ‘Forever in Operations’ विभागस्य कार्गिलविजयदिवसपूर्वस्य उत्सवस्य भागः अस्ति।
- बहुजनसमाजदलस्य अध्यक्षा मायावती गतदिने लोकसभानिर्वाचनं 2024 इत्यस्य परिणामानां समीक्षासंगोष्ठीं स्वीकृतवती। उत्तरप्रदेशस्य लखनऊनगरस्य दलकार्यालये आयोजितायाम् अस्यां सभायां दलस्य सर्वे राष्ट्रियस्तरस्य अधिकारिणः भागं गृहीतवन्तः।
हिमाचलवार्ता:
- मुख्यमन्त्री सुखविन्दरसिंहसुक्खुः रविवासरे पूर्वमुख्यमन्त्रिण: स्वर्गीयवीरभद्रसिंहस्य जन्मदिवसस्योपलक्ष्ये काङ्ग्रेसप्रदेशमुख्यालये राजीवभवने श्रद्धांजलि: अर्पितवान्। सः अवदत् यत् वीरभद्रसिंहः स्वस्य सम्पूर्णं जीवनं राज्यस्य जनानां विकासाय, कल्याणाय च समर्पितवान्। राज्यं समृद्धं आधुनिकं च राज्यं कर्तुं तस्य योगदानं सर्वदा स्मर्यते। आधुनिकहिमाचलस्य निर्माणस्य श्रेय: स्वर्गीयवीरभद्रसिंहाय एव गच्छति।
- मुख्यमंत्री सुखविंदरसिंहसुक्खु: रविवासरे कांगड़ाजनपदस्य जसवां- प्रागपुरविधानसभाक्षेत्रस्य अंतर्गतं निर्माणाधीनस्य डाडासीबा नागरिकचिकित्सालयस्य निरीक्षणं कृत्वा अधिकारिभ्य: आवश्यकान् निर्देशान् अददत्। सः लोकनिर्माणविभागेन निर्माणकार्यस्य गुणवत्तां सुनिश्चितं कर्तुं आह। मुख्यमन्त्री उक्तवान् यत् प्रथमचरणे एतत् चिकित्सालयं ५० शय्याभिः सह निर्मितं भवति, द्वितीयचरणस्य क्षमता १०० शय्याः यावत् वर्धिता भविष्यति।
- हिमाचले भारतसर्वकारस्य आयुष्मानयोजनायाः बहिः त्यक्तानाम् जनानां कृते नगदरहितं उपचारं प्रदातुं निर्मितायाः हिमकेयर योजनायाः विषये राज्यसर्वकारः प्रमुखं निर्णयं कर्तुं गच्छति। अस्याः योजनायाः अन्तर्गतं हिमाचले ३१ लक्षं २९ सहस्राणि पत्राणि निर्मितानि सन्ति, अधुना यावत् ३६४ कोटिरूप्यकाणां भुक्तिः अवशिष्टा अस्ति। अस्य अविशिष्टांसस्य प्रदानस्य लेखापरीक्षायां स्वास्थ्यविभागेन अस्यां योजनायां बहवः प्रमुखाः दोषाः प्राप्ताः।
- भाजपादलस्य राज्यसभासांसद: हर्षमहाजनः अवदत् यत् काङ्ग्रेसनेता बम्बरठाकुरः उन्मत्तः अभवत्। बिलासपुरस्य गोलीकाण्डस्य घटनायाः प्रणेता (मास्टरमाइंड) सः एव अस्ति, तस्य पुत्रः च अस्यां घटनायां पूर्णतया संलग्नः इति पुलिस, प्रशासनं, जनता च ज्ञातवती अस्ति। बम्बरठाकुरः भाजपादलस्य राष्ट्रीयाध्यक्षस्य जगतप्रकाशनड्डावर्यस्य विषये यथा टिप्पणीं करोति, तत् सत्यात् तथ्यात् च दूरे अस्ति।
