हिमाचलनिर्वाचनम् : मण्डीविजयस्य नायकः अभवत् जयरामठाकुरः, क्षणमपि कङ्गनाया:पक्षं न त्यक्तवान्
हिमसंस्कृतवार्ता – लघ्वीकाशी मण्डी।
हिमाचले लोकसभानिर्वाचनं सम्पन्नम्। यस्मिन् लोकसभानिर्वाचनस्य मण्डीसंसदीयक्षेत्रस्य निर्वाचनम् बहु ऊष्णमासीत्। राजनैतिकयुद्धम् अभवत् अस्मिन् युद्धे एकतः मायानगर्याः राज्ञी अपरतः राजनीते राजा आसीत्, परन्तु मायानगर्याः राज्ञी राजनीते राजानं पराजयितुं सफला अभवत् । कारणं तत् कवचम् आसीत् यत् राज्ञा: विजये महत्त्वपूर्णां भूमिकां निर्वहति स्म, निर्वाचनक्षेत्रे च प्रचुरं परिश्रमं कृतवान। । सर्वै: सर्वाणि पात्राणि सम्यक् अवगतानि स्यु:। आम्, राजनैतिकयुद्धे काङ्ग्रेस-प्रत्याशी विक्रमादित्यसिंहस्य पराजयस्य, भारतीयजनतापक्षस्य प्रत्याशिन: च चलच्चित्र-अभिनेत्री-कङ्गना रानौताया: च विजयस्य मुख्यश्रेयः पूर्वमुख्यमन्त्रिणे विपक्षनेत्रे जयरामठाकुराय च गच्छति।
राजनैतिकं युद्धं कङ्गनायाः कृते सर्वथा नूतनः अनुभवः आसीत्, परन्तु जयरामसदृशस्य अनुभविनां समर्थनं यदा प्राप्तवती तदा विजयस्य पुष्टिः अभवत् । मण्डीसंसदीयासने जयरामठाकुरेण कृतस्य परिश्रमस्य परिणाम: सर्वेषां समक्षं वर्तते। सः सर्वेषु १७ विधानसभाक्षेत्रेषु यथासम्भवं ग्रामान् प्राप्य तत्रत्यानां जनानां साक्षात्कारं कृत्वा स्वविचारं प्रस्तुत्य सफलः अभवत् ।
जयरामठाकुर: प्रत्येकं मञ्चे मण्डीक्षेत्रस्य सम्मान, मानस्य, आत्मसम्मानस्य च विषय: प्रमुखतया स्थापित:। जयरामठाकुरस्य विषये अन्यैः नेतृभि: अनेकानि वचनानि उक्तानि परन्तु सः स्वयमेव शालीनतां प्रदर्शयति स्म, सभ्यतायाः परिधिमध्ये च वदति स्म । एतदेव कारणम् आसीत् यत् मण्डी-जनाः स्वस्य प्रियस्य नेतु: वचनस्य आदरं कृत्वा स्वस्य आज्ञापत्रं प्रदत्तवन्तः ।
