PM Modi Mandi Rally: हिमाचलप्रदेशः राममन्दिरनिर्माणस्य संकल्पभूमिः- प्रधानमंत्री मोदी
हिमसंस्कृतवार्ता- मण्डी।
हिमाचलप्रदेशस्य लघ्वीकाश्यां मण्ड्यां जनसभां सम्बोधयन् प्रधानमन्त्री नरेन्द्रमोदी उक्तवान् यत् पालमपुरम् इतः दूरं नास्ति। “अद्य अहं भवन्तं स्मारयितुम् इच्छामि यत् भाजपा कार्यसमितेः सभा पालमपुरे अभवत्। तत्र गृहीतनिर्णयैः इतिहासः निर्मितः। तस्मिन् एव सत्रे भाजपया अयोध्यायां भव्यराममन्दिरस्य निर्माणस्य संकल्प: स्वीकृत: अर्थात् हिमाचलप्रदेश: राममन्दिरनिर्माणस्य संकल्पभूमि: अस्ति” इति।
काङ्ग्रेसदलं कदापि राममन्दिरस्य निर्माणं न अनुमन्यते
हिमाचले गृहीतः ऐतिहासिकः संकल्पः सिद्धः इति प्रधानमंत्री मोदी उक्तवान्। ५०० वर्षाणां प्रतीक्षा ५०० वर्षाणां निरन्तरसङ्घर्षेण लक्षशः जनाः हुतात्मन: अभवन्। इदानीं सा ५०० वर्षाणां प्रतीक्षा समाप्ता। भवतः एकमतेन एषा प्रतीक्षा समाप्ता, भवतः मतस्य शक्तिः ५०० वर्षाणां प्रतीक्षायाः समाप्तिम् अकरोत्। अद्य रामलला अयोध्यायां उपविष्ट: अस्ति, हिमाचलः प्रसन्नः अस्ति, देवी-देवताः आशीर्वादस्य वर्षणं कुर्वन्ति। परन्तु, काङ्ग्रेसः प्रसन्नः नास्ति। यदि भवतः एकमतेन मोदिन: शक्तिः न वर्धिता स्यात् तर्हि काङ्ग्रेसः कदापि राममन्दिरस्य निर्माणं न अनुमन्यते स्म।
‘काङ्ग्रेसः दलाईलामावर्यस्य नाम अपि ग्रहीतुं बिभेति स्म’
हिमाचले बौद्धधर्मस्य महत्त्वपूर्णस्थानानि सन्ति, काङ्ग्रेससर्वकारः एतावत् भीरुः आसीत् यत् दलाईलामा इति नाम अपि ग्रहीतुं बिभेति स्म। अहं बहुधा दलाईलामावर्येण सह वार्तालापं करोमि, सः एव अस्माकं समृद्धस्य धरोहरस्य प्रवर्तकः अस्ति। भारतं बुद्धदेशः अस्ति तथा च मोदीसर्वकारेण एतस्य धरोहरस्य प्रबलतया प्रचारः कृतः। हिमाचलस्य पर्यटनस्य अपि अस्य लाभः भविष्यति।
देहल्या: येन राजपरिवारेण हिमाचलप्रदेश: वञ्चित: तेन न पृष्ठतः आगत्य स्वमुखं दर्शितम्।
काङ्ग्रेसेन कङ्गनाविषये दुष्टवचनानि उक्तानि
प्रधानमंत्री मोदी उक्तवान् यत् ये केवलं पूर्वजानां धरोहरे जीवन्ति ते अस्य देशस्य निर्माणं न कर्तुं शक्नुवन्ति। ये मृत्तिकातः उत्थाय पर्वतपर्यन्तम् ऊर्ध्वतां प्राप्नुवन्ति ते एव देशस्य निर्माणम् कर्तुं शक्नुवन्ति। अतः अद्य भारतस्य भविष्यं ते यूनः एव सन्ति ये अस्माकं स्टार्टअपसंस्थाः आरभन्ते, ये युनः स्वस्य उपग्रहान् अन्तरिक्षे प्रेषयन्ति, या: कन्याः क्षेत्रेषु ड्रोन्-विमानं चालयन्ति, या: कन्याः युद्धविमानं चालयन्ति, परन्तु काङ्ग्रेसपक्षः तस्मिन् एव रूढिवादीचिन्तने निमग्नः अस्ति। स्वयमेव सफलतां प्राप्यमाणानां कन्यानां कृते काङ्ग्रेसः किं वदति इति भवन्तः दृष्टवन्तः वा? काङ्ग्रेसेन मण्डीनाम गृहीत्वा कङ्गनाया: विषये यानि अश्लीलानि वचनानि उक्तानि तत् मण्ड्याः अपमानम्, लघ्वीकाश्या: अपमानम्, हिमाचलस्य अपमानम्, हिमाचलस्य प्रत्येकस्य पुत्र्याः च अपमानमेव।
‘काङ्ग्रेसः महिलाविरोधी अस्ति’
प्रधानमंत्री मोदी उक्तवान् यत् एतद् काङ्ग्रेसदलन एकविंशतितमे शतके आगन्तुं न शक्नोति, जनाः अग्रे गच्छन्ति, काङ्ग्रेसः पश्चात् गच्छति। २० शताब्द्याः प्रति गच्छति, काङ्ग्रेसस्य राजपरिवारः अत्यन्तं पुत्रीविरोधी अस्ति, काङ्ग्रेसः महिलाविरोधी अस्ति।
आपदाकाले प्रेषितानि शतशः कोटिरूप्यकाणि, राज्ये अभवत् वानर-वितरणम्- मोदी
प्रधानमंत्री मोदी उक्तवान् यत् आपत्काले केन्द्रसर्वकारेण प्रभावितेभ्य: आश्रयं दातुं शतशः कोटिरूप्यकाणि प्रेषितानि। परन्तु राज्ये तेषां सदुपयोग: नाभवत्। प्रदेशसर्वकारेण केन्द्रसर्वकारस्य सहायताया: दुरुपयोगं कृत्वा वानरवितरणं कृतम्। यदा पुनः सर्वकारः निर्मित: भविष्यति तदा तस्य अन्वेषणम् कृत्वा मण्डीक्षेत्रस्य प्रभावितेभ्य: एव तस्या: सहायताया: वितरणं भविष्यति। एषा मम प्रतिज्ञा अस्ति।
प्रधानमंत्री मोदी राज्यसर्वकारं लक्ष्यं कृतवान्
राज्यसर्वकारं लक्ष्यं कृत्वा प्रधानमंत्री मोदी उक्तवान् यत् काङ्ग्रेसः केवलं वञ्चनं, तालाबन्दी च जानाति। यत्र हिमाचले लक्षशः कार्याणि प्रदातुं चर्चा आसीत्, यत्र सेवा-आयोगस्य प्रतिबन्धः आसीत्। आयोगे ताल: न स्थापित:, हिमाचलस्य पुत्राणां कन्यानां युनां च भविष्ये ताला: स्थापितवन्तः। जयरामठाकुरेण शतशः संस्थानानि उद्घाटितानि तानि सर्वाणि पिहितानि। देश: वञ्चकान् कदापि न क्षमति। हिमाचलस्य जीवने कर्मचारी अतीव महत्त्वपूर्णं जीवनम् अस्ति। सम्पूर्णं कुटुम्बं तस्य उपरि आश्रित: वर्तते। तेन कर्मचारिणा सह अपि किं महत् वञ्चनम् अभवत्। कर्मचारी अद्यापि महार्घतावृत्तिं प्रतीक्षते। आपदाकाले केन्द्रात् शतशः कोटिरूप्यकाणि प्रेषितानि, तस्य अपि अत्र दुरुपयोगः अभवत्। अस्य सर्वकारस्य भविष्यं नास्ति इति उक्तवान्, तस्य क्षयः निश्चितः अस्ति। आपदाकाले प्रेषितं धनं कुत्र वितरितम्, केन चोरितं इति ज्ञात्वा प्रथमं मण्डी-जनानां हस्ते समर्पयिष्यामि इति प्रधानमंत्रीमहोदयः अवदत्। काङ्ग्रेससर्वकारः एतत् राज्यं विनाशमार्गे नयति, एतत् स्थगितव्यम् अस्ति।
