Lok Sabha Election 2024 : हिमाचलसहितं ६ राज्यानां गृहसचिवानां निवृत्तये आदेशा:, निर्वाचनात् पूर्वं निर्वाचनायोगस्य कार्यविधि:
हिमसंस्कृतवार्ता- नवदेहली।
भारतस्य निर्वाचनायोगेन लोकसभानिर्वाचनात् पूर्वं महत् निर्णयः कृतः। आयोगेन हिमाचलप्रदेशसहितस्य षट् राज्यानां गृहसचिवानां निवृत्ते: आदेशः दत्तः। हिमाचलस्य अतिरिक्तं गुजरातस्य, उत्तरप्रदेशस्य, उत्तराखण्डस्य, बिहारस्य, झारखण्डस्य च गृहसचिवानां निवृत्तये आदेशाः दत्ताः सन्ति। निर्वाचनेषु समानावसरं सुनिश्चेतुं एषा कार्यविधि: कृता। सूत्रेषु उक्तं यत् आयोगेन बृहन्मुम्बईनगरपालिकायाः आयुक्तं प्रशासकं च इकबालसिंहचहलं निर्वाचनकार्यात् मुक्तं कर्तुं अपि आदेशः दत्तः।
अवधेयं वर्तते यत् आयोगेन उत्तरप्रदेशः, बिहारः, गुजरातः, हिमाचलप्रदेशः, उत्तराखण्डः, झारखण्डः च इत्येतेषां प्रदेशानां सर्वकारेभ्यः वर्तमानगृहसचिवान् निवृत्तये आदेशः दत्तः। तेषां स्थाने आयोगस्य निरीक्षणे अन्ये अधिकारिणः नियुक्ताः भविष्यन्ति। सूत्रेषु उक्तं यत् आयोगेन मिजोरम- हिमाचलप्रदेशसर्वकारेभ्यः अपि स्वसामान्यप्रशासनिकविभागस्य सचिवानां परिवर्तनविषये निर्देशाः निर्गताः। आयोगेन पश्चिमबङ्गसर्वकाराय पुलिसमहानिदेशकं राजीवकुमारं वर्तमानप्रभारात् निष्कास्य अनिर्वाचनकार्यं कर्तुं नियुक्तं कर्तुं आदेशः दत्तः। आयोगेन राज्यसर्वकारेण त्रयाणां पुलिसाधिकारिणां नामसूचीं प्रेषयितुं कथितं यत् तेषां स्थाने नियुक्तिं कर्तुं अधिकारीणः चयनं करणीयम्। अस्मिन् विषये कार्यविधिं पूर्णां कर्तुं राज्यसर्वकाराय गतसायं ५ वादनपर्यन्तं समयः दत्तः आसीत्।
