Hotel Wildflower Hall : ओबरायसमूहाय एकवर्षाभ्यन्तरे निजातिथिगृहं रिक्तं कर्तुं सर्वोच्चन्यायालयस्य आदेश:
हिमसंस्कृतवार्ता- कार्यालयीय: प्रतिनिधि:।
होटेलवाइल्डफ्लावरहॉल प्रकरणस्य विषये सर्वोच्चन्यायालयात् हिमाचलसर्वकारेण महदाश्रयं प्राप्तम्। सर्वोच्चन्यायालयेन हिमाचल- उच्चन्यायालयस्य निर्णयस्य समर्थनं कृत्वा ओबेरॉय-समूहस्य कृते आघातं दत्तम्। अपि च सर्वोच्चन्यायालयेन ओबेरॉय-समूहाय एकवर्षेण अन्तः सम्पत्तिं रिक्तां कर्तुम् आदेशः दत्तः अस्ति। तस्मिन् एव काले हिमाचलप्रदेशस्य मुख्यमन्त्री सुखविन्दरसिंहसुक्खुः सर्वोच्चन्यायालयस्य होटल वाइल्डफ्लावर हॉलसम्बद्धस्य हिमाचलप्रदेशस्य उच्चन्यायालयस्य निर्णयस्य समर्थनस्य निर्णयस्य स्वागतं कृतवान्। मुख्यमन्त्री उक्तवान् यत् राज्यसर्वकारेण अस्य प्रकरणस्य प्रबलतया वैधानिकं पक्षम् उपस्थापितम्। यस्य फलस्वरूपं निर्णयः राज्यसर्वकारस्य पक्षे आगतः। राज्यस्य हितं मनसि कृत्वा सर्वोच्चन्यायालयेन हिमाचलप्रदेश- उच्चन्यायालयस्य निर्णयस्य समर्थनं कृतम्।
मुख्यमन्त्री अनुकूलनिर्णयस्य कारणं राज्यसर्वकारस्य सर्वोच्चन्यायालये प्रकरणस्य प्रभावीरूपेण प्रस्तुतीकरणस्य प्रयत्नस्य कारणेन अवदत्। सः अवदत् यत् राज्यसर्वकारेण राज्यस्य हितस्य रक्षणार्थं प्रतिबद्धप्रयत्नाः कृताः, प्रसिद्धस्य अधिवक्तु: मुकुलरोहतगी इत्यस्य माध्यमेन कानूनीयुद्धे सर्वकारस्य व्यापकप्रतिनिधित्वं सुनिश्चितं कृतम्। सर्वोच्चन्यायालयस्य एषः निर्णयः राज्यस्य हितस्य रक्षणार्थं सर्वकारस्य दृढनिश्चयं दर्शयति।
ध्यातव्यं वर्तते यत् होटल वाइल्डफ्लावर हॉल इत्यस्य सम्पत्तिः ओबेरॉय समूहेन सह बहुवर्षेभ्यः आसीत् अधुना सर्वोच्चन्यायालयेन तेभ्यः एकवर्षस्य अन्तः तत् रिक्तं कर्तुम् आदेशः दत्तः। मुख्यमन्त्री उक्तवान् यत् सम्पत्ते: स्वामित्वं प्राप्य राज्यसर्वकारः तस्य विषये भविष्यस्य कार्यविधिविषये चर्चां करिष्यति, हिमाचलस्य हितानुसारं निर्णयं च करिष्यति।
