HP Doctors Strike: हिमाचले भौमवासरात् सार्धद्विहोरापर्यन्तं २६०० चिकित्सकानाम् आन्दोलनम् आरब्धम्
हिमसंस्कृतवार्ता- शिमला।
हिमाचलप्रदेशे भौमवासरात् प्रतिदिनं सार्धद्विहोरापर्यन्तं २६०० चिकित्सका: आन्दोलनम् आरब्धवन्तः। प्रातः ९:३० वादनतः मध्याह्नद्वादशवादनपर्यन्तं प्राथमिकस्वास्थ्यकेन्द्रेषु, जिलाचिकित्सालयेषु च रोगिणां चिकित्सां वैद्याः न करिष्यन्ति। मंगलवासरे प्रातःकाले वैद्यानां आन्दोलनस्य कारणेन रोगिण: समस्यानां सम्मुखीकरणम् अभवन्। राज्ये सर्वत्र चिकित्सालयेषु वैद्याः आन्दोलनम् कुर्वन्ति। हिमाचल- चिकित्सा- अधिकारिसङ्घस्य कथनमस्ति यत् यावत् सर्वकारः तेषां प्रार्थनां न स्वीकरोति तावत् ते आन्दोलनम् करिष्यन्ति। तस्मिन् एव काले मार्चमासस्य ५ दिनाङ्कात् परं वयं सामूहिकावकाशं गमिष्यामः। धर्मशाला-चिकित्सालये, कुल्लौ च चिकित्सका: आन्दोलनम् कृतवन्तः। अस्य कारणात् ओपीडी- कक्षस्य बहिः रोगिणः प्रतीक्षन्ते स्म। महात्मागान्धी खनेरी चिकित्सालये चिकित्सकाः आन्दोलनम् आरब्धवन्तः। अनेन रोगिणां समस्याः वर्धिताः। प्रातः कालादेव ओपीडी-मध्ये न उपविष्टः वैद्यः, सोलनमण्डलस्य चिकित्सालयेषु आन्दोलनस्य कारणात् प्रातः ९:३० वादनतः अपराह्ण १२:०० वादनपर्यन्तं वैद्याः ओपीडी इत्यत्र न उपविष्टाः। अस्य कारणात् रोगिणां बहु कष्टस्य सम्मुखीकरणम् अभवत्। आपत्काले एव रोगिणः चिकित्सासुविधां प्राप्नुवन्ति। पूर्वं वैद्याः कृष्णवर्णीयं फलकंइ धारयित्वा चिकित्सालयेषु सेवां प्रयच्छन्ति स्म। परन्तु फरवरीमासस्य १३ दिनाङ्के सर्वकारेण सह आयोजितस्य समागमस्य कार्यसूची वैद्यैः न प्राप्तस्य अनन्तरं ते अधुना कार्य-स्थगनान्दोलनं आरब्धम् कर्तुं निश्चितवन्तः। राज्यजिलाचिकित्सा संघस्य अध्यक्षः डॉ. कमल अटवालः अवदत् यत् तस्य पञ्च मुख्याः प्रार्थना: सन्ति। अस्मिन् एनपीए-पुनर्स्थापनं मुख्यप्रार्थना अस्ति। स्वास्थ्यनिदेशकं अन्यनिदेशकस्य अधीनं कार्यं कर्तव्यमिति संघः न स्वीकरोति इति कारणेन स्वास्थ्यनिदेशकं उपमिशननिदेशकपदात् निष्कासयितुं संघेन आग्रहः कृतः।
चिकित्सकानां प्रार्थना:
एनपीए, एड्स नियन्त्रण सोसायटी इत्यस्मिन् परियोजनानिदेशकस्य प्रभारं स्वास्थ्यनिदेशकाय दातुं, चिकित्सामहाविद्यालयस्य प्राचार्यस्य, चिकित्सा- अधीक्षकाणां शक्तीनां प्रतिदानम् एतदतिरिक्तं १३ फेब्रुवरी-दिनाङ्के मुख्यमन्त्रिणा सह आयोजितायाः सभायाः मुख्यविन्दुः बहिः न निष्कासिताः इति संघस्य कथनम् अस्ति । एतदेव कारणं यत् अधुना राज्ये सर्वत्र वैद्याः स्वाग्रहानां कृते आन्दोलनम् कुर्वन्ति।
