Himachal Airport – शिमलाविमानस्थानकात् वायुसेवा स्थगिता
हिमसंस्कृतवार्ता- शिमला।
निरन्तरवृष्ट्या, नीहारस्य च कारणात् शिमला-नगरस्य जुबड़हट्टी-विमानस्थानकात् गत-एकसप्ताहात् विमानसेवाः निरुद्धा: सन्ति । वातावरणस्य स्थितिं पूर्वानुमानं च विचार्य एलायन्सएयर इत्यनेन सम्प्रति २०२४ तमस्य वर्षस्य फेब्रुवरी-मासस्य ७ दिनाङ्कपर्यन्तं स्वसेवाः निरस्ता: कृताः । अस्य कारणात् शिमलातः दिल्ली-धर्मशाला-नगरं यावत् शिमलातः अमृतसर-कुल्लू-नगरं च सम्प्रति विमानसेवा न प्राप्यते । एलायन्सएयर इत्यत्र अस्य अवधे: ऑनलाइन बुकिंग् अपि निरुद्धम् अस्ति। ०७ फेब्रुवरी दिनाङ्के वातावरणस्य आकलनं कृत्वा ८ तः १० फेब्रुवरीपर्यन्तं समयनिर्धारणं भविष्यति। शिमलाविमानस्थानकात् प्राप्तसूचनानुसारं फेब्रुवरी-मासस्य प्रथमदिनात् आरभ्य दिल्ली-अमृतसर-नगरयोः विमानयानं न आगतम्। दिल्लीतः विमानस्य प्रस्थानसमयः प्रातः ७:१० वादने भवति, परन्तु शिशिरे प्रातः ८:०० वादनात् पूर्वं विमानं न प्राप्यते । अस्य कारणात् धर्मशालायाः गमनम् आगमनं च विलम्बं प्राप्नोति स्म । अमृतसरतः शिमलापर्यन्तं विमानयानम् अपि नीहारकारणात् समये न आसीत् । एतस्मिन् समये पश्चिमविकारस्य सक्रियीकरणस्य कारणात् वर्षा, हिमपातः च आरब्धः । अस्य फलस्वरूपं समतलक्षेत्रेषु नीहारः अभवत् । शिमलाविमानस्थानकं लघुदीर्घत्वात् विमानपट्टिकायां जलसञ्चयेऽपि विमानयानानि परिहृतानि भवन्ति ।
एतदेव कारणं यत् फेब्रुवरी-मासस्य प्रथमदिनात् आरभ्य विमानयानं न आगतम् अधुना फेब्रुवरी-मासस्य ७ दिनाङ्कपर्यन्तं विमानयानं निरस्तीकृतम् अस्ति। प्रतिकूलवातावरणे कल्लूनगरस्य भुन्तरविमानस्थानके विमानयानानि अपि प्रभावितानि सन्ति । यत्र धर्मशाला-नगरस्य गगल-विमानस्थानकस्य किञ्चित् बृहत्तरत्वात्, मुक्त-उपत्यकायाः च कारणात् अत्र प्रतिकूलवातावरणस्य प्रभावः शिमला-भुन्तर-नगरयोः अपेक्षया न्यूनः भवति।
