हिमाचलपथपरिवहननिगमस्य ८०० मार्गे बससेवा प्रभाविता; स्खलनस्य कारणेन बसयानानि मध्यमार्गे स्थगितानि, शतशः मार्गाः प्रभाविताः
हिमसंस्कृतवार्ता:- कार्यालयीय: प्रतिनिधि:।
राज्ये प्रचण्डवृष्ट्या हिमपातेन च हिमाचलपथपरिवहननिगमस्य ८०० मार्गेषु बससेवाः प्रभाविताः अभवन्। हिमाचलपथपरिवहननिगमस्य अतिरिक्तं निजीबसयानानि अपि स्वमार्गेषु गन्तुं न शक्तानि। शिमलाजनपदे २०० तः अधिकाः मार्गाः प्रभाविताः सन्ति। उच्चशिमलाया: मार्गाः हिमपातस्य कारणेन सर्वाधिकं प्रभाविताः अभवन्। एचआरटीसी इत्यस्य अनुसारम् अधिकांश-बसयानानि उपरि शिमलायां निरुद्धानि। अत्र बहूनि बसयानानि सन्ति ये अर्धमार्गेषु निरुद्धानि। एतदतिरिक्तं चम्बा, पाङ्गी, भरमौरं, केलाङ्गं, रोहताङ्गं, अटलकन्दरा, मनाली, डलहौजी, शिमला, किन्नौरं इत्येतेषां परितः अनेकमार्गेषु बससेवाः प्रभाविताः सन्ति। एचआरटीसी-शिमला-मण्डलस्य ५९ मार्गाः स्थगिताः, ५२ मार्गाः च अवरुद्धा: सन्ति।
एतदतिरिक्तं रिकोङ्गपियोनिगमस्य २४ मार्गाः स्थगिताः, त्रिमार्गाः च अवरुद्धा सन्ति। तारादेव्याः मार्गद्वयं स्थगितम्, तारादेवी-नेरवाया: ८५ मार्गाः स्थगिताः, १८ मार्गाः च अवरुद्धा अभवन्। रोहड़ूनिगमस्य २९ मार्गाः स्थगिताः पञ्च मार्गाः निरुद्धा:, रामपुरस्य १३ मार्गाः स्थगिताः सप्त मार्गाः निरुद्धा:, ककसोगस्य सप्त मार्गाः स्थगिताः, शिमलानगरस्य ग्रामीणक्षेत्रेषु ४३ मार्गाः स्थगिताः, १७ मार्गाः निरुद्धा: च सन्ति। एतदतिरिक्तं सोलननगरं प्रति दशमार्गाः स्थगिताः, द्वौ मार्गौ च निरुद्धौ स्तः। राज्यस्य मनाली केलाङ्गं, डलहौजी, पाङ्गी, भरमौरं, किन्नौरं, रोहताङ्ग इत्यत्र अटल कन्दराया: च परितः, मनाली, शिमला इत्यस्य उपरितनक्षेत्रेषु गुरुवासरात् आरभ्य यातायातस्य गतिः स्थगिता आसीत्।
उच्चोच्चक्षेत्रेषु जीवनं स्थगितम् अभवत्
हिमाचलमार्गपरिवहननिगमस्य ८०० मार्गेषु बससेवाः प्रभाविताः सन्ति। राज्यस्य अनेकक्षेत्रेषु बह्वीषु स्थानेषु निजीबसयानानि अपि अटन्ति स्म। बसयानानां न प्रचलनेन जनानां समस्यानां सामना कर्तव्यः आसीत्। राज्यस्य उच्चोच्चक्षेत्रेषु हिमपातस्य कारणेन स्खलितमार्गाणां कारणेन बसयानानि न चालितानि आसन्।
