हिमाचलम्- नववर्षे प्रदेशसर्वकारस्य उपहारः मन्त्रिमण्डलस्य सभायां गृहीताः बहवः महत्त्वपूर्णाः निर्णयाः

हिमाचलम्- नववर्षे प्रदेशसर्वकारस्य उपहारः मन्त्रिमण्डलस्य सभायां गृहीताः बहवः महत्त्वपूर्णाः निर्णयाः, ८ जनवरीतः ग्रामद्वारयोजना आरप्स्यते
हिमसंस्कृतवार्ता:- शिमला।
हिमाचलप्रदेशे मुख्यमन्त्री सुखविन्दरसिंहसुक्खुः इत्यस्य मन्त्रिमण्डलेन नूतनवर्षस्य विषये राज्यस्य जनानां पक्षे केचन निर्णयाः कृताः। सुक्खुमन्त्रिमण्डलस्य पक्षतः पत्रकारसम्मेलने उक्तं यत् राज्यसर्वकारेण दिव्याङ्कबालानां कृते योजना आनीता। एतादृशानां बालकानां कृते शैक्षणिकसंस्था निर्मिता भविष्यति। यदा बालकः विद्यालयं सम्पन्नं करिष्यति तदा तस्मिन् एव विद्यालये एकीकृतशिक्षा दीयते। एकीकृतसंस्था उद्घाटिता भविष्यति। अधिकसूचनाः दत्त्वा उक्तं यत् मन्त्रिमण्डलेन हाटीसमुदायस्य अनुसूचितजनजातिपदवीं प्रदातुम् अधिसूचना अनुमोदिता। सः सिरमौरनगरं गत्वा जनवरीमासे ३ दिनाङ्के अस्य विषयस्य सम्बोधनं करिष्यति। एतदतिरिक्तं निरवकाशानां विषये अन्यः निर्णयः कृतः। ९० प्रतिशतं जनाः ग्रामेषु निवसन्ति। राजीवगांधी-स्वरोजगार-योजनाया: द्वितीयं चरणम् अनुमोदितम्। त्रिबीघाः भूमियुतानां युवानां कृते प्रतिमासं २० सहस्ररूप्यकाणि प्रदास्यन्ते। ते प्रतिवर्षं २ लक्षं ४० सहस्ररूप्यकाणि प्राप्स्यन्ति। अस्य कृते विद्युत्मण्डलाय २४० कोटिरूप्यकाणां इक्विटी दीयते।
अस्याः योजनायाः तृतीयं चरणम् अपि आगमिष्यति। एतेन ग्रामस्य अर्थव्यवस्था सुदृढा भविष्यति। मुख्यमन्त्री सुखविन्दरसिंहसुक्खुः अवदत् यत् सर्वकारः ८ जनवरीतः ग्रामद्वारयोजनाम् आरभते। राज्यमन्त्रिमण्डलस्य सर्वे सदस्याः विधायकाः च स्वस्वक्षेत्रं गमिष्यन्ति। ‘ग्रामद्वारे सर्वकारः’ इति कार्यक्रमः आरभ्यते। ते सर्वासु पंचायतेषु गत्वा योजनानां विषये सूचनां दास्यन्ति।