सर्वकारेण ३६५ दिवसेषु ३६५ निर्णयाः कृताः- मुख्यमन्त्री हिमाचलप्रदेशः

हिमसंस्कृतवार्ता- शिमला।
मुख्यमन्त्री हिमाचलप्रदेशः सुखविन्दरसिंहसुक्खुः अवदत् यत् राज्यसर्वकारेण १० प्रतिज्ञासु तिस्र: प्रतिज्ञा: पूर्णाः कृताः। पुरातनवृत्तियोजना पुनर्स्थापिता अस्ति। पुरातनवृत्तियोजनायाः व्याप्तेः १ लक्षं ३६ सहस्रकर्मचारिणः आगताः सन्ति। ६८० कोटिरूप्यकाणां बजटेन राजीवगान्धी- स्वरोजगार- प्रारम्भयोजना प्रारब्धा।
प्रत्येकस्मिन् विधानसभाक्षेत्रे आङ्ग्लमाध्यमस्य विद्यालयाः उद्घाटयितव्या: भविष्यन्ति। सर्वेषु विद्यालयेषु आङ्ग्लमाध्यमम् कार्यान्वितम् अस्ति। अस्माकं १० प्रतिज्ञासु तिस्र: पूर्णा: अभवन्। वयं पञ्च वर्षाणि यावत् आगताः। अन्याः प्रतिज्ञाः पञ्चवर्षेभ्यः परं पूर्णाः भविष्यन्ति। केन्द्रसर्वकारेण सह अस्माकं संवादः निरन्तरं वर्तते।
धर्मशालायां आयोजिते कार्यक्रमे राज्यसर्वकारेण ३६५ दिवसेषु गृहीतानाम् ३६५ निर्णयानां विषये जनेभ्य: सूचना दीयते। राजस्व-लोक-न्यायालयात् जना: बहुलाभान्विता: अभवन्।

अस्मिन् वर्षे एव भविष्यति मन्त्रिमण्डलविस्तारः- मुख्यमन्त्री सुखविन्दरसिंहसुक्खुः
मुख्यमन्त्री सुखविन्दरसिंहसुक्खुः शुक्रवासरे उक्तवान् यत् राज्ये मन्त्रिमण्डलस्य विस्तारः शीघ्रमेव भविष्यति। शुक्रवासरे नवीदेहल्यां मीडियाभिः सह संवादं कुर्वन् मुख्यमंत्री सुक्खुः अवदत् यत् हिमाचलप्रदेशे शीघ्रमेव मन्त्रिमण्डलविस्तारः भविष्यति। अस्मिन् वर्षे मन्त्रिमण्डलविस्तारः भविष्यति इति सः अवदत्। सः अवदत् यत् सम्प्रति राज्ये त्रीणि मन्त्रिपदानि रिक्तानि सन्ति। विगतमासेभ्य: यावत् लम्बितः मन्त्रिमण्डलविस्तारः प्रतीक्षितः अस्ति। सुक्खुमहोदयः अवदत् यत् काङ्ग्रेससर्वकारेण सत्तां प्राप्ते: पूर्वं १० प्रतिज्ञा: जनेभ्यः दत्ताः। एतासु प्रतिज्ञासु तिस्र: प्रतिज्ञा: पूर्णाः अभवन्। अन्ये सप्त प्रतिज्ञा: अपि पूर्णाः भविष्यन्ति। एतां प्रतिज्ञां पूर्णां कर्तुं राज्यसर्वकाराय चत्वारि वर्षाणि सन्ति इति सः अवदत्। सः अवदत् यत् हिमाचलप्रदेशे पुरातनवृत्तियोजनायाः पुनर्स्थापनं, ६८० कोटिरूप्यकाणां स्टार्टअपयोजना, आङ्ग्लमाध्यमविद्यालयस्य प्रतिज्ञा च सम्पन्नाः सन्ति। अन्येषां प्रतिज्ञानां पूर्तये अपि कार्यं प्रचलति, एतानि वचनानि शीघ्रमेव सम्पन्नानि भविष्यन्ति इति सः अवदत्। केन्द्रतः प्राप्तसहकार्यस्य प्रश्ने श्री सुक्खुः अवदत् यत् सः केन्द्रसर्वकारेण सह निरन्तरं संवादं कुर्वन् अस्ति। केन्द्रसर्वकारः अपि यत्र आवश्यकं तत्र धनं प्रदाति।
सः अवदत् यत् राज्यसर्वकारः ११ दिसम्बर् दिनाङ्के एकवर्षं पूर्णं कर्तुं गच्छति। धर्मशालायां राज्यस्तरीयं कार्यम् भविष्यति। राज्यसर्वकारेण ३६५ दिवसेषु ३६५ निर्णयाः कृताः। एतदतिरिक्तं हिमाचलप्रदेशे आपत्काले राज्यसर्वकारेण कृतं कार्यमपि अस्मिन् काले प्रदर्शितं भविष्यति। सः अवदत् यत् भारतीयजनतादलम् एकवर्षस्य कार्यकालस्य विरोधं करोति यतोहि तत् मुख्यविपक्षदलम् अस्ति, विरोधं कर्तुं तेषां दायित्वम् अस्ति।