ग्रामीणमार्गाणां विस्तृत-परियोजना-प्रतिवेदनस्य प्राविधिकपरीक्षणम् अस्मिन्नेव मासे भविष्यति सम्पूर्णम्, ३०० तः अधिकानां मार्गाणां निर्माणाय वर्तते सज्जा
हिमसंस्कृतवार्ता — शिमला।
प्रधानमन्त्री-ग्रामसड़क-योजनायाश्चतुर्थचरणस्य (PMGSY-IV) द्वितीये समूहे राज्ये निर्मीयमाणानां ग्रामीणमार्गाणां विस्तृत-परियोजना-प्रतिवेदनस्य (DPR) प्राविधिकपरीक्षणस्य प्रक्रिया अस्मिन्नेव मासे सम्पूर्णा भविष्यति। योजनायाः अन्तर्गततया ३०० तः अधिकानां मार्गाणां निर्माणस्य योजना वर्तते। राज्ये डीपीआर-सम्बद्धायाः परीक्षायाः अनन्तरम् इयं अग्रिमायै स्वीकृतये ‘प्रिन्सिपल्-टेक्निकल-एजेन्सी’ (PTA) इत्यस्याः कृते प्रेषयिष्यते। अतः आगमिषु मासेषु प्रदेशे ग्रामीणमार्गाणां निर्माणाय केन्द्रात् अपि स्वीकृतिः प्राप्स्यते इति आशा वर्तते।
सूचनानुसारं राज्ये प्रधानमन्त्री-ग्रामसड़क-योजना-चतुर्थ्याः द्वितीये समूहे ३४० मार्गाणां डीपीआर-प्रतिवेदनं लोकनिर्माणविभागेन सज्जीकृतम् अस्ति, यानि अधुना एसटीए इत्यस्याः समीपे अग्रिमकार्यविधये प्रेषितानि सन्ति। लोकनिर्माणविभागः इच्छति यत् केन्द्रीयस्तरे विधीयमाने डीपीआर-परीक्षणे कापि त्रुटिः सम्मुखी न भवेत्, अस्य कृते प्रत्येकं पक्षं ध्यानगोचरं क्रियते। अस्मिन्नेव मासे एसटीए-सम्बद्धाः औपचारिकताः विभागः सम्पूरयिष्यति। यतः परम् एतानि सर्वाणि डीपीआर-प्रतिवेदनानि परीक्षणाय ‘प्रिन्सिपल्-टेक्निकल-एजेन्सी’ इत्यस्याः पुरतः स्थापयिष्यन्ते। महत्त्वपूर्णम् अस्ति यत् पीटीए-पक्षतः डीपीआर-प्रतिवेदनेभ्यः हरितसङ्केते प्राप्ते सति प्रदेशस्य ग्रामीणमार्गसम्बद्धानां प्रस्तावानां केन्द्रस्य ‘प्री-इम्पावर्ड-कमेटी’ इत्यस्याः उपवेशने चर्चा भविष्यति।
पीईसी (PEC) तथा ईसी (EC) इत्यनयोः स्वीकृतेः अनन्तरं प्रकरणं केन्द्रस्य वित्तमन्त्रालयस्य समक्षं गमिष्यति, पश्चाच्च केन्द्रीय-ग्रामीणविकास-मन्त्रालयः एतस्मै स्वस्वीकृतिं प्रदास्यति। अपरत्र, लोकनिर्माणमन्त्री विक्रमादित्यसिंहः योजनायाः द्वितीये समूहे ३४० नूतनग्रामीणमार्गाणां स्वीकृतेः कृते केन्द्रीय-ग्रामीणविकास-मन्त्रिणा शिवराजचौहानेन सह अपि मेलनं कर्तुं गच्छति। एतत् सम्बद्धां सूचनामपि सः स्पष्टीकृतवान्। यस्यां विक्रमादित्यसिंहः योजनायाः अन्तर्गततया प्रदेशाय शीघ्रमेव ३००० कोटिरूप्यकाणां व्ययेन प्रायः १७०० किलोमीटर-परिमितदीर्घाणां नूतनमार्गाणां निर्माणं भविष्यतीति उक्तवान्। यद्यपि राज्यपक्षतः एभिः मार्गैः सम्बद्धाः औपचारिकताः प्रायशः सम्पूर्णाः कृताः सन्ति, तथापि डीपीआर-प्रतिवेदने कापि त्रुटिः न स्यात्, अस्य कृते प्रत्येकस्य पक्षस्य ध्यानं स्थाप्यते, येन केन्द्रपक्षतः अपि काञ्चित् आपत्तिं विना शीघ्रमेव अस्य स्वीकृतिः लब्धुं शक्येत।
