हिमसंस्कृतवार्ता- शिमला।
काङ्ग्रेसप्रदेशाध्यक्षा प्रतिभासिंह पुनः एकवारं निष्क्रियकार्यकर्तृभ्यः निर्गमनमार्गं दर्शयितुं चर्चां कृतवती। सा अवदत् यत् विधानसभानिर्वाचनसमये बहुभ्य: कार्यकर्तृभ्य: दायित्वं दत्तम्, परन्तु सर्वकारस्य निर्माणानन्तरं एते कार्यकर्तारः एकवारमपि काङ्ग्रेसमुख्यालयं न आगताः, न च कस्यापि सभायां भागं गृहीतवन्तः। एतादृशाः कार्यकर्तारः दलस्य पदात् मुक्ताः भविष्यन्ति। ये अधिकारिणः दलाय समयं दातुं न शक्नुवन्ति तेषां विरुद्धं कार्यविधि: निश्चिता इति सा अवदत्।
प्रतिभासिंह गुरुवासरे शिमलानगरं सङ्घटनस्य पदाधिकारिणां सभायां भागं ग्रहीतुं प्रवृत्ता आसीत् । अस्मिन् अवसरे सा अवदत् यत् मुख्यमन्त्री सुखविन्दरसिंहसुक्खुः अस्मिन् सत्रे आगन्तुं युक्तः आसीत्, परन्तु तेलङ्गानायां शपथग्रहणस्य कारणात् सः राज्ये नास्ति। सा अवदत् यत् मुख्यमन्त्री तया सह भाषितवान्, तदनन्तरं मन्त्री विक्रमादित्यसिंहं अस्यां गोष्ठ्यां भागं स्वीकर्तुं अधिकृतवान्। प्रतिभासिंह अवदत् यत् सर्वकारस्य सङ्घटनस्य च मध्ये उत्तमः समन्वयः भवेत्। कार्यकर्तृभ्य: सम्मानं दातुं प्रयत्नाः भविष्यन्ति। सा अवदत् यत् महिला, युवा, सेवादल सहितं दलस्य मुख्यसङ्गटनेषु कार्यकर्तारः बहुवर्षेभ्यः निरन्तरं कार्यं कुर्वन्ति।
सर्वकारस्य निर्माणानन्तरं एतेभ्यः कार्यकर्तृभ्य: महत्त्वपूर्णपदानि नियोक्तुं सर्वकारस्य दायित्वम् अस्ति । सा अवदत् यत् मुख्यमन्त्री सुखविन्दरसिंहसुक्खुः स्वयं सङ्घटने कार्यं कृत्वा अत्र आगतः। एतादृशे सति सः सङ्घटनस्य कार्यकर्तृणां दायित्वं बहु सम्यक् अवगच्छति । काङ्ग्रेसेन लोकसभानिर्वाचनस्य सज्जता आरब्धा। सा केन्द्रसर्वकारे अपि आक्रमणं कृतवान् अस्ति। सा अवदत् यत् केन्द्रसर्वकारेण आपदि उत्पन्नाया: हाने: क्षतिपूर्तिं कर्तुं किमपि पदं न गृहीतम्। आपत्काले राज्यस्य महती हानिः अभवत् इति सा अवदत्।
काङ्ग्रेसतः बहवः नेतारः गन्तुम् अर्हन्ति, प्रदेशाध्यक्षा प्रतिभासिंह महत्कार्यविधिं कर्तुं गच्छति
प्रतिभा सिंह-
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment