लखनऊ, जुलै-मासस्य २२ दिनाङ्कः। संस्कृतभारत्याः अवधप्रान्तेन आयोजितस्य ऑनलाइन-संस्कृत-सम्भाषणवर्गस्य शुभारम्भः बुधवासरे रात्रौ नववादने सफलतया सम्पन्नः।
कार्यक्रमस्य प्रारम्भः श्री-आभास-महोदयेन वैदिक-मङ्गलाचरणेन अभवत्। ततः परम् आदरणीयेन देवेशकुमार-महोदयेन स्वागतभाषणं प्रस्तुत्य संस्कृतसम्भाषणस्य आवश्यकता तथा व्यवहारिकमहत्त्वं प्रतिपादितम्।
अस्मिन्नवसरे संस्कृतभारत्याः अवधप्रान्तस्य मन्त्री आदरणीयः अनिलमहोदयः प्रेरणाप्रदमुद्बोधनं प्रदाय संस्कृतस्य दैनन्दिनव्यवहारे प्रयोगाय सर्वान् प्रेरितवान्। वर्गस्य प्रशिक्षिका सुश्री शिखा मिश्रामहोदया वर्गस्य रूपरेखां, अध्यापनपद्धतिं, उद्देश्यान् च विस्तरेण निरूप्य प्रतिभागिनां मार्गदर्शनम् अकरोत्।
देशस्य विभिन्नप्रदेशेभ्यः समागताः संस्कृतप्रेमिणः प्रतिभागिनश्च उत्साहेन सहभागित्वा कार्यक्रमं सफलम् अकुर्वन्। अन्ते श्रीसत्येन्द्रपाठक-महोदयेन धन्यवादज्ञापनं कृतम्। शान्तिमन्त्रस्य सामूहिकपाठेन उद्घाटनसत्रस्य विधिवत् समापनम् अभवत्।
