एथेनॉल-मिश्रण-कार्यक्रमः चरणबद्धरूपेण वैज्ञानिकरीत्या च प्रचालितप्रक्रियया कार्यान्वितः – उद्योगजगतः

एथेनॉल-मिश्रण-कार्यक्रमः चरणबद्धरूपेण वैज्ञानिकरीत्या च प्रचालितप्रक्रियया कार्यान्वितः – उद्योगजगतः
उद्योगजगतः विशेषज्ञैः कथितं यत् एथेनॉल-मिश्रण-कार्यक्रमः रात्रौ एव (अकस्मात्) न कार्यान्वितः, अपितु एकया सुनियोजितया, चरणबद्धया, वैज्ञानिकरीत्या च प्रचालितप्रक्रियया अयं प्रवर्तितः अस्ति। नवदिल्ल्यां एकं संवाददातृ-सम्मेलनं सम्बोधयन्ती इंजीनियर्स इण्डिया लिमिटेड इत्यस्य पूर्व-अध्यक्षा प्रबन्धनिदेशिका च वर्तिका शुक्ला अवदत् यत् एथेनॉल-मिश्रण-कार्यक्रमः २०१८ तमे वर्षे संरचितचर्चायाः हितधारकाणां परामर्शस्य च कृते सार्वजनिकक्षेत्रे स्थापितः आसीत्। सा अकथयत् यत् अस्य प्रयासस्य कृते वैज्ञानिकप्रमाणानाम्, वाहननिर्मातृभिः (ऑटोमोबाइल-निर्मातृभिः) कृतानां व्यापकानां परीक्षणानाम्, भारतीय-ऑटोमोटिव-अनुसन्धान-सङ्घस्य, भारतीय-ऑटोमोबाइल-निर्मातृ-समितेः च समर्थनं प्राप्तम् अस्ति।
E-10 वाहनेषु E-20 इन्धनस्य प्रयोगः
E-10 वाहनेषु E-20 इन्धनस्य प्रयोगविषये मारुति-सुजुकी-संस्थायाः वरिष्ठः कार्यकारी अधिकारी राहुल भारती अवदत् यत् मारुति-संस्थया अस्य आन्तरिकं परीक्षणं कृतम्। परीक्षणे कस्यापि प्रकारस्य चिन्तायाः विषयः सम्मुखं न आगतः। सः अकथयत् यत् २०२३ तमात् वर्षात् विक्रीतानि सर्वाणि वाहनानि पूर्णरूपेण E-20 इन्धन-अनुकूलानि सन्ति। श्री भारती महोदयः अवदत् यत् पुरातनानि E-10 वाहनानि अपि E-20 इन्धनस्य सुरक्षितरूपेण उपयोगं कर्तुं शक्नुवन्ति। वाहनेषु कस्यापि प्रकारस्य भङ्गम (टूट-फूट), अयोमलं (जंग लगना), अथवा कार-यानस्य जीवनकालस्य क्षतिः इत्यादिः कापि समस्या नास्ति।