वाणिज्यमन्त्री पीयूषगोयलः अवदत् – भारत-ब्रिटेन-मुक्तव्यापारसन्धिः (एफटीए) सर्वाधिक-व्यापक-सन्धिष्वन्यतमा

वाणिज्यमन्त्री पीयूषगोयलः अवदत् – भारत-ब्रिटेन-मुक्तव्यापारसन्धिः (एफटीए) सर्वाधिक-व्यापक-सन्धिष्वन्यतमा
वाणिज्य-उद्योग-मन्त्री पीयूषगोयलः उक्तवान् यत् भारत-ब्रिटेन-देशयोः मध्ये अभवत् मुक्तव्यापारसन्धिः (फ्री ट्रेड एग्रीमेन्ट), इदानीं यावत् भारतेन कृतासु सन्धिषु सर्वाधिकं व्यापकं वर्तते।लन्दन-नगरे ‘इण्डिया ग्लोबल फोरम’ इत्यस्य ‘यूके-इण्डिया वीक’ कार्यक्रमे श्रीगोयलः अवदत् यत् अनया सन्ध्या द्वाभ्यां देशाभ्यां प्राप्यमाणानाम् आर्थिकलाभानां सम्भावनाः अतीव अधिकाः सन्ति। श्रीगोयलः त्रिदिवसीय-ब्रिटेन-यात्रायाम् अस्ति। अस्मिन् अवसरे सः १५ जुलाईतः प्रवृत्तस्य भारत-ब्रिटेन-व्यापक-आर्थिक-व्यापार-सन्धेः सज्जतानां समीक्षां करोति। सः द्वयोः देशयोः उद्योगजगत् अस्य अवसरस्य लाभं ग्रहीतुम् तथा व्यापारं नूतनोन्नतौ नेतुं महत्त्वाकांक्षि-लक्ष्यं निर्धारयितुम् आह्वानं कृतवान्। सः अवदत् यत् अनया सन्ध्या द्वयोः देशयोः मध्ये प्रायः ४८ अरब पाउण्ड् (४८ बिलियन पाउण्ड्) परिमितस्य वार्षिकव्यापारस्य अधिकं प्रोत्साहनं मिलिष्यति।केन्द्रीयमन्त्री अकथयत् यत् भारतं ब्रिटेनदेशः च रक्षा-महत्त्वपूर्णखनिज-सदृशेषु क्षेत्रेषु अपि सहयोगं वर्धयतः। श्रीगोयलः अवदत् यत् द्वौ देशौ आतङ्कवादस्य प्रतिकाराय तथा वैश्विकशान्तिं, स्थायित्वं, समृद्धिं च वर्धयितुं प्रतिबद्धौ स्तः।