वित्तमन्त्रिणा उडुपीनगरे रत्न-आभूषणसंस्थानस्य उद्घाटनं कृतम्

वित्तमन्त्रिणा उडुपीनगरे रत्न-आभूषणसंस्थानस्य उद्घाटनं कृतम्
वित्तमन्त्रिणी निर्मला सीतारामन कर्णाटकस्य उडुपीनगरे भारतीय-रत्न-आभूषणसंस्थानस्य (IIGI) नूतनपरिसरस्य उद्घाटनं अकरोत्। अस्मिन् अवसरे वित्तमन्त्रिण्या उक्तं यत् एतत् नूतनं प्रशिक्षणसंस्थानं युवकानां युवा-उद्यमिनां च कृते व्यावसायिकप्रशिक्षणं प्रदास्यति। संस्थाने आभूषणनिर्माणं, सङ्गणक-प्रारूपं (Computer Designing), रुपान्तरण परीक्षणं, परिष्करणं (Finishing) च कर्तुं एकचत्वारिंशत् (41) यन्त्राणि उत्पादनसुविधाः च उपलभ्यन्ते। अस्मिन् अवसरे ‘प्रयोगशाला-हीरक-प्रौद्योगिकी’ क्षेत्रे विशेषप्रमाणपत्रपाठ्यक्रमाय भारतीय-रत्न-आभूषणसंस्थानस्य तथा आई.आई.टी. मद्रास इत्यनयोः मध्ये सामञ्जस्य-पत्रे (MoU) हस्ताक्षरं अपि अभवत्।