कामेश्वरसिंह- दरभंगा- संस्कृत- विश्वविद्यालये सर्वासां समस्याणां समाधानं भविष्यति- महामहिमः

कामेश्वरसिंह- दरभंगा- संस्कृत- विश्वविद्यालये सर्वासां समस्याणां समाधानं भविष्यति- महामहिमः
संस्कृतविश्वविद्यालयस्य सीनेट-सभायाः अध्यक्षतां कुर्वता प्रदत्तम् आश्वासनम्
हिमसंस्कृतवार्ता:- राघव नाथ झा, दरभङ्गा।
कामेश्वरसिंह- दरभंगा- संस्कृत- विश्वविद्यालय इत्यस्य दरबारभवने अप्रैलमासस्य द्वाविंशतितमे दिने आयोजितस्य सीनेट-सभायाः एकोनपञ्चाशत्तमस्य अधिवेशनस्य अध्यक्षतां कुर्वता माननीयेन महामहिम्ना राज्यपालेन लेफ्टिनेंट जनरल (सेवानिवृत्त) सैयद अता हसनैन उक्तं यत् उच्चशिक्षाक्षेत्रस्य सर्वासां समस्यानां समाधानं भविष्यति तथा तासां समुचितः परिहारोऽपि क्रियते। सः समस्याणां निदानार्थमेव अत्र आगतः। तेन सर्वेभ्यः मान्यसदस्येभ्यः उक्तं यत् भवन्तः सभायाम् उपस्थिताः, अतः सर्वे धन्यवादस्य पात्राणि सन्ति। अपि च तेन परामर्शः दत्तः यत् सर्वे परिपक्वजनवत् शान्तिपूर्वकं विचारविमर्शं कृत्वा विश्वविद्यालयस्य समस्याः तासां समाधानोपायांश्च प्रस्तुतयन्तु।
ततः परं कुलपतिना सह अन्यैः पदाधिकारिभिः सह बैठकां कृत्वा सर्वेषु विषयेषु फलदायिनी चर्चा भविष्यति। अनन्तरं सर्वाः समस्याः श्रूयन्ते तथा तासां समाधानमपि विधास्यते। सः स्पष्टतया अवदत् यत् समस्याः उत्थापयितुं सर्वेषामधिकारोऽस्ति, तासां समाधानं परिपक्वरीत्या भविष्यति।
अस्मिन् प्रसङ्गे तेन स्वचालन-प्रक्रियायाः चर्चा कृता तथा समर्थ-पोर्टलस्य सम्यक् सञ्चालनार्थं विशेषज्ञानां साहाय्यं ग्राह्यमिति परामर्शः दत्तः। सः अवदत् यत् पर्याप्तासु सुविधासु सतीषु एव छात्राः विधिवदध्ययनं कर्तुं शक्नुवन्ति। अतः दृढाधारभूतसंरचनानां निर्माणम् अत्यावश्यकम् अस्ति। विश्वविद्यालयेन प्राप्तस्य शासकीयधनस्य समुचितोपयोगस्य लेखापरीक्षणं करणीयम् इति विषयेऽपि महामहिम्ना विशेषो बलः दत्तः।
इत्येतं विवरणं दत्त्वा जनसम्पर्काधिकारी निशिकान्तः अवदत् यत् महामहिम्ना कुलपतिः प्रो. लक्ष्मीनिवास पांडेय: निर्देशितः यत् सर्वाः लिखितसमस्याः सप्ताहस्य अन्तर्गतं राजभवनं प्रेषणीयाः। याः समस्याः स्थानीयस्तरे एव समाधातुं शक्यन्ते, तासां निदानम् अत्रैव क्रियताम्।
कुलपतिना आश्वासनं दत्तं यत् निर्देशानुसारं सर्वाणि कार्याणि समये सम्पन्नानि भविष्यन्ति।